भोड्काले गुमेको ज्योति व्हिस्कीले फर्कायो

हिरालाई हिराले काट्छ भन्ने उखान त्यसै बनेको होइन । वास्तवमा यो यथार्थ पनि हो । यहीँ उखानलाई सही सावित गर्नेगरी न्युजिल्याण्डका एक व्यक्तिको रक्सीले गुमेको आँखाको ज्योति रक्सीले नै फिर्ता गरिदिएको छ ।
६५ वर्षका डेनिस डुथी नामका व्यक्तिले भोड्का पिउँदा उनको आँखाको ज्योति गुम्यो । यसरी आँखाको ज्योति गुमाएका डुथीले हि्वस्की पिएपछि पहिलेजस्तै देख्ने भए ।
मधुमेहका रोगी डुथीले मधुमेहको औषधि खाइरहेका थिए । उनले त्यसबीचमा भोड्का पनि पिए । उक्त औषधी र भोड्काबीच रासायनिक प्रतिक्रिया हुँदा उनको आँखाको ज्योति गुमेछ ।
न्यू प्लेमाउथको वेस्टर्न इन्स्िटच्युट अफ टेक्नोलोजीमा क्याटरिङ प्रशिक्षकका रुपमा कार्यरत डुथी भोडका पिए लगत्तै आफ्नो घर फर्के । घर फर्किए लगत्तै उनी एकाएक अन्धो बने अर्थात् आँखाको ज्योति गुम्यो ।
द न्यूजिल्याण्ड हेराल्डको समाचार अनुसार जब डेनिस अस्पताल गए तब डाक्टरहरुले उनको परीक्षण सुरु गरे । डाक्टरहरुले उनको उपचारमा इथानोल अर्थात् शुद्ध रक्सी प्रयोग गर्ने निधो गरे । तर अस्पतालमा उक्त इथानोलको पूरै मात्रा थिएन । त्यसपछि अस्पतालमा व्हिस्कीको एक बोतल मगाइयो र एक ट्युबको सहायताले उनको पेटमा पठाइयो । इथानोल सँगै व्हिस्कीको उपचार पछि ५ दिनमा आश्चर्यजनक रुपमा उनको गुमेको आँखाको ज्योति फर्कियो ।

Category: Media, Wonder