विद्रोही समूहको एम्बुसमा परी तीन नेपाली सैनिक घाइते
डिसीनेपाल डटकम संवाददाता - शान्ति सेनाको रुपमा कंगो गएका तीन नेपाली सैनिक एम्बुसमा परी घाइते भएका छन् ।
कंगोको एलाईड डमोक्रेटिक फ्रन्ट नामक विद्रोही समूहको एम्बुसमा परी तीन नेपाली सैनिक घाइते भएको सैनिक जनसम्पर्क निर्देशनालयले जनाएको छ ।
तीन नेपाली सैनिक मनुस्को मिसन कंगोमा तैनाथ थिए । उनीहरु संयुक्त राष्ट्र संघको आव्हानमा शान्ति सेनाको रुपमा कंगो गएका थिए ।
नेपाली सैनिक बस्ने गण माभीभीबाट उत्तरतर्फ बाओ भन्ने स्थानमा तीन नेपाली सैनिक एम्बुसमा परेका थिए ।
एम्बुसमा परेका तीनै जना नेपाली सैनिक खतरामुक्त रहेको सैनिक जनसम्पर्क निर्देशनालयले जनाएको । घाइते भएका नेपाली सेनाको नाम सार्वजनिक गरिएको छैन ।
कंगोमा तैनाथ नेपाली सेना श्री भैरवीदल गण १८ औं डफ्फामा खटिएका नारायण दल गणका सैनिक भएको सैनिक जनसम्पर्क निर्देशनालयले जनाएको छ । 
.jpg)
