सुमिनाको ढाडमा सेन्सरको आँखा

स्क्रिप्ट बिबादमा परेको फिल्म 9 O'clock को केहि सिन र संवादमा सेन्सर बोर्डले कैंची चलाएको छ । फिल्मका निर्देशक बाबुराम ढकालले दिएको जानकारी अनुसार सुमिनाले नुहाई रहेको सिनमा सेन्सरले बढि आपत्ति जनाएको छ ।

मंगलबार फिल्म हेरे पश्चात नुहाई रहेकी सुमिनाको नाङ्गो ढाड देखिएको सिनलाई काट्न लगाएको निर्देशक ढकालले बताए । यस्तै केहि संवादमा पनि म्युट गर्न लगाएको बाबुरामले फिल्मीखबरलाई बताए । चलेको हल्ला अनुसारको फिल्म नभए पनि सेन्सर बोर्डले आफ्नो फिल्मलाई एडल्ट सर्टिफिकेट दिएको निर्देशकको भनाई छ । अब यो फिल्मलाई १६ बर्ष मुनिका दर्शकले हेर्न पाउने छैनन् ।

सुटिङ पूर्व फिल्मको स्क्रिप्ट नै भल्गर भएको भन्दै विकास वोर्डको स्क्रिप्ट छानविन समितीले पास नगरेको यो फिल्म फाल्गुन ११ गते नेपालमा रिलिज गरिंदै छ । यो भन्दा अगाडी जनवरी ४ तारिखका दिन कतारको दोहा सिनेमा हलमा फिल्मको प्रदर्शन गरिने भएको छ । बिदेशमा रिलिज गर्नु परेकाले फिल्मको सेन्सर छिट्टै गरिएको हो । आर्यन फिल्म्सको व्यानरा रमेश संवेदनाले निर्माण गरेको यो फिल्मको कथा नायिका सुमिना घिमिरेको वरिपरि घुमेको बताईएको छ । सुमिनालाई अनस्क्रिन साथ नायक ध्रुब दत्तले दिएका छन् ।

Category: Gossip