निर्देशक समाजमा महासचिव पदको जिम्मेवारी दिनेश डिसीलाई
चलचित्र निर्देशक समाजमा केही हप्तादेखि रिक्त रहेको महासचिव पदको जिम्मेवारी दिनेश डिसीलाई दिइएको छ । गत कात्तिक १ गते मनोनित हुदै कार्यसमिति सदस्यमा मनोनित गरिएका डिसीलाई सचिव एम.एस. अग्रजको प्रस्तावमा महासचिव बनाईएको हो ।
यस अघि राजेन्द्र उप्रेतीले पारिवारिक कारण जनाउदै महासचिव पदबाट राजिनामा दिएका थिए जुन रिक्त स्थानलाई पूर्ति गर्दै आज बसेको समाजको कार्यसमिति बैठकले डिसीलाई सो पावर दिएको हो । यस्तै निर्देशक सुमन दाहालका अनुसार आजको कार्यसमिति बैठकले सह–कोषाध्यक्ष राजु केसीलाई कोषाध्यक्षको जिम्मेवारी दिइएको छ । दाहालका अनुसार रिक्त डिसीको सदस्य पद र राजुको सह–कोषाध्यक्ष पदमा अर्को पटक बस्ने कार्यसमिति बैठकले उपयूक्त ब्यक्ति चयन गर्नेछ ।
माग पूरा हुने प्रतिबद्धता सहित सरकारले लचकता देखाएपछि हिजो अनसन तोडिएको खुशियालीसंगै अहिले निर्देशक समाजमा तिहारको बाताबरण छाएको छ जसकारण अनसन सकिएको भोलीपल्टै समाजले डिसीको क्षमतालाई मध्यनजर गरी पावरफुल कार्यसमिति डिजाईन बनाउन सुरु गरेको हो ।
Category: Gossip, Latest News
