१ फिट ३ इन्च लामा पाइताला भएका ३१ वर्षे ब्राहिम र केवल २ फिट अग्लो सरीर भएकी १९ वर्षकी ज्योतीले खिचाएका तस्वीर हेर्दा ब्राहिमका खुट्टा सामु ज्योतिको जिउ समेत निकै सानो प्रतित हुन्छ । ब्राहिम विश्वका सबैभन्दा लामा पाइताला भएका व्यक्ति मात्र होइनन् विश्वका दोश्रो अग्ला व्यक्ति हुन् जसको उचाई ८ फिट १ इन्च छ । उनीहरुबीचको यो अनौठो फोटोसेसन वास्तवमा एउटा नयाँ कामका लागि जुराइएको थियो । विश्वका मानिसहरुको पाइतालाको तस्वीरको सबैभन्दा वृहत संग्रह तयार पार्ने अभियान अमेजिङ फिट च्यालेन्जका लागि सबैभन्दा ठूलो तथा सबैभन्दा सानो पाइताला भएकी यी दुइको तस्वीर पनि खिचिएको हो । यो अभियान अन्तरगत ५० हजार जोडी पाइतालाका तस्वीर संग्रह गरी गिनिज बुकमा नाम लेखाउने लक्ष्य राखिएको छ । निम्न लिंकमा गएर आफ्ना पाइतालाका तस्वीर समेत समावेश गर्न सकिने बताइएको छ ।

भनिन्छ मंसिर पुषको जाडोमा रुई, फुई र दुईको विशेष महत्व हुन्छ । अर्थात जाडो महिनामा रुवाले बनेको सिरक, कोईलाको आगो र दुई प्रेम जोडी जाडोबाट बच्ने उचित उपायहरु मानिन्छन । प्रायः वर्षैभरी फ्लोरमा व्यस्त हुने हाम्रा सेलिव्रेटीहरु चाही जाडोबाट बच्न के गर्छन त ? मेरो सिनेमाले केही कलाकारहरुसँग यस विषयमा कुराकानी गरेको छ :

एजेन्सी, मंसिर २४ । बलिउडका चर्चित अभिनेता संजय दत्त र गायक सोनु निगमको घरमा भारतीय आयकर विभागले छापा मारेको छ । भारतीय आयकर विभागले शुक्रबारको दिन अभिनेता संजय र गायक सोनुको घरमा छापा मारेपनि खबर भने आजमात्रै सार्वजनिक भएको भारतीय सञ्चारमाध्यमहरुले जनाएका छन् । समाचारका अनुसार विभागले संजय र सोनुलाई लामो बयान समेत लिएको छ । तर, यो कुराको बारेमा संयज र सोनुले भने केही नबताएको जनाइएको छ । संजय दत्त बलिउड अभिनेता हुन् भने राजनीतिक परिवारसँग पनि सम्बन्ध जोडिएका व्यक्ति हुन् । उनले एक फिल्म खेलेको करोड बढी रकम दिने गरेका छन् । त्यस्तै सोनु निगम भारतका एक चर्चित गायक त हुँदै हुन् । साथै उनी बलिउडमा सबैभन्दा बढी पैसा कमाउने गायकहरु मध्येमा पनि पर्ने गर्छन् । उनी कन्सर्टका लागि भारत बाहिरका मुलुकमा पनि अधिक जानेमा पर्छन् । बलिउडका चर्चित कलाकारका घरमा भारतीय आयकर विभागले छापा मारेको यो पहिलो घटना भने होइन । यसअघि विगत डेढ वर्षअघि नायिकाहरु कैटरिना कैफ र प्रियंका चोपडाको घरमा पनि त्यहाँको आयकर विभागले छापा मारेको थियो ।

छायांकनको क्रममा रहेको चलचित्र ‘रक्षा’की नायिका सारिका घिमिरेले निर्देशक राजु गिरीलाई झापड हानेकी छिन् । चुम्बन गर्न दिए सिनेमा खेलाईदिन्छु भनेपछि आक्रोशीत घिमिरेले गिरीलाई झापड हानेकी हुन् ।
तर सारिकाले राजुलाई हानेको झापड बास्तबिक भने होइन । चलचित्रको पर्दाभित्र निर्देशकको भुमिका निर्वाहा गरिरहेका राजुले सारिकाको हातबाट थप्पड खाएका हुन् । चलचित्र भित्रको एक दृश्यमा नायिका बनाइदिन्छु भन्दै चुम्बन मागेपछि सारिकाले गिरीलाई गालामा थप्पड बजाएकी हुन् ।
पवन बस्नेतको निर्माणमा तयार भइरहेको चलचित्र ‘रक्षा’को छायांकन अन्तिम चरणमा पुगेको निर्माणपक्षले जानकारी दिएको छ । चलचित्रमा राजेश हमाल,अशोक फुयाँल, पुजना प्रधान लगायतका कलाकारको अभिनय छ । चलचित्र चैत्र महिनामा प्रदर्शनमा आउने निर्माणपक्षको भनाई छ ।

मंसिर १० - अहिले बलिउडमा दुई सन्नीलाई लिएर जोक चल्न थालेको छ। एक हुन् बलिउडमा भर्खरै प्रवेश गरेकी पोर्न स्टार सन्नी लियोन र अर्का हुन् बलिउडका पुराना अभिनेता सन्नी देओल। सिंह साहिब द ग्रेट नामको फिल्ममा सन्नी लियोनलाई आइटम डान्स गराउन खोज्दा नाम मिलेकोले फिल्मका हिरो सन्नी देओलले आपत्ति जनाएको हल्ला जोककै रुपमा फैलिएको थियो। त्यसपछि फिल्ममा सन्नी लियोनले आइटम डान्स नगर्ने कुरा पनि आएको थियो। तर भारतीय समाचार एजेन्सी इन्डो एसियन न्युज सर्भिसका अनुसार फिल्मकर्मी अनिल शर्माले सन्नी लियोनलाई नै गीतमा अभिनय गराउने प्रयास गरिरहेको बताए। उनले लियोनसित डेटका लागि प्रयास भइरहेको बताए। अहिले उनी अरु काममा निकै व्यस्त रहेकोले समय निकाल्ने प्रयास भइरहेको छ। हामी उनीसित आइटम नम्बर गर्ने प्रयासमा छौँ, शर्माले भने। सन्नी दे‌‌ओलसित जोडेर आएको हल्लालाई भने उनले अस्वीकार गरे। उनका अनुसार सन्नी विवादमा फँस्न नचाहने अभिनेता हुन्। यो हल्ला सुनेपछि उनी साह्रै दुःखी भएको उनको भनाई छ। सन्नी लियोन भारतीय रियालिटी सो बिग बोसमा आएपछि भारतमा चर्चामा रहेकी थिइन्। उनको मुख्य भूमिका रहेको फिल्म जिस्म २ रिलिज भइसकेको छ। उनी भारतीय मूलकी क्यानेडियन पोर्न स्टार हुन्।