एजेन्सी । फ्रान्सका राष्ट्रपति फ्रांस्वा ओलान्दले विज्ञापनको राजस्वका सम्बन्धमा कुरा नमिले छुट्टै कानुन ल्याएर गुगललाई चेताउने धम्की दिएका छन् । गुगल लगायत अन्य सर्च इन्जिनलाई उनले राजस्वका सम्बन्धमा कुरा मिलाएर जाने अन्यथा मिडिया कंटेन्टका लागी रकम तिर्नुपर्ने एक विधेयक अर्थात् कानुन ल्याउने बताएका छन् । गुगलका कार्यकारी अध्यक्ष एरिक स्किमिड्टसँग भएको भेटवार्तापछि राष्ट्रपति ओलान्दले यस्तो प्रतिक्रिया दिएका हुन् । उनले भेटवार्ताका क्रममा पनि यस्तै प्रस्ताव राखेको र आफू वार्ताबाटनै समस्या समाधान गर्ने पक्षमा रहेको बताएका छन् । उनले यदी वार्ताबाट कुरा नमिले कानुनी उपचार खोज्ने बताएका हुन् ।

फेसबुकले सुरु गरेको गिफ्ट नामक अनलाइन सेवाबाट तपाइँले आफ्नो साथीलाई चाहेको उपहार पठाउन सक्नुहुनेछ । बिहिबार अमेरिकामा लञ्च भएको यो सेवा यो महिनाभित्रैमा अझै परिस्कृत भएर अन्य देशमा पनि लागु गरिने फेसबुकले बताएको छ ।
अमेरिकी फेसबुक प्रयोगकर्ताले यो सेवाको उपयोग गर्दै आफ्ना साथीलाई फेसबुकमार्फ उपहार पठाउन थालेसँगै अर्को महिनादेखि नै गिफ्ट सेवालाई परिस्कृत गरिँदै लगिनेछ ।
फेसबुकमार्फ साथीलाई उपहार पठाउन प्रयोगकर्ताले आफ्नो फेसबुक फ्रेन्डको फेसबुक पेजमा गएर गिफ्ट नामको आइकनमा क्लिक गर्नुपर्नेछ । प्रयोगकर्ताको फेसबुक पेजको दायाँ भागमा यो आइकन देखिनेछ जसमा साथीको बर्थडे, विवाह तथा अरु महत्वपूर्ण इभेन्टका बारेमा समेत जानकारी दिइनेछ । जस्तैै यदि तपाइँको साथीको जन्मदिन दुइदिन पछि आउँदैछ भने उक्त साथीको नाम र तस्वीर सँगै त्यहाँ गिभ हर ए गिफ्ट नामको लिंक तथा गिफ्ट आइकन देखापर्नेछ।
उक्त आइकनमा क्लिक गरेपछि साथीलाई फेसबुकमार्फ दिन सकिने विभिन्न उपहारको लिष्ट आउनेछ । जस्तै कार्ड, चकलेट, कपकेक, गुडिया आदि ।
त्यसपछि उक्त उपहार प्राप्त गर्ने व्यक्तिलाई फेसबुकमार्फ नै आफ्नो खास ठेगाना खुलाउन आग्रह गरिन्छ । कतिपय अवस्थामा प्रापकलाई मन पर्ने उपहार छनोट गर्ने तथा उपहार साटेर अर्को सामान लिने सुविधा पनि प्राप्त हुन्छ ।

यो कदम इ कमर्शमा प्रवेश गर्ने फेसबुकको पहिलो कदमको रुपमा लिइएको छ । यस्तो उपहार आदानप्रदानमा उपहार प्रदान गर्नेको बैंक अकाउण्ट मार्फ पैसा तिरिन्छ र फेसबुकले उक्त उपहार वापतको सामानको बिक्रिको केही मुल्य कमिशन बापत लिनेछ । फेसबुकले अनलाइन मार्फ आदानप्रदान गर्न सकिने केही उपहारको सूचि समेत बनाएको छ । त्यसमा आइसक्रिम, फूल, खेलौना लगायतका रहेका छन् ।

नासाको मार्स रोभर क्युरोसिटीले मंगलग्रहमा खोल्सा रहेको हुन सक्ने संकेत देखिएको भन्दै यसबारे अध्ययन गर्ने जनाएको छ । यसअघि क्युरोसिटीले नासालाई पहिलो पटक मंगलग्रहमा चट्टानको स्पर्श गरेको जानकारी गराएको थियो । रोभर आफ्नो स्वचालित पाखुराले सो चट्टानलाई स्पर्श गदै आफनो गन्तब्यतर्फ अघि बढिरहेको जानकारी गराएको थियो ।
क्युरोसिटीले विगत केही समयदेखि एउटा अनौठो पिरामिड आकारको चट्टान ज्याक म्याटिजिभिकको अनुसन्धान गरेको थियो । करिव सात फिट लामो स्वचालित पाखुराको सहगोगमा रोभरले चट्टानका केही भागहरुको अवलोकन गरेको वताइएको छ । रोभरले अल्फा पार्टिकल एक्स रे स्पेक्ट्रोमिटरको सहायताले चट्टानको तत्वको बनोटबारे अध्ययन गरेको थियो ।
 रोभरले पठाएको तस्वीरमा रोभरका स्वचालित पाखुरा ज्याक म्याटिजिभिक तर्फ घिस्रेको देखाइएको छ । मार्स रोभरलाई अमेरिकी अन्तरिक्ष एजेन्सी नासाले मंगलग्रहमा पठाएका थियो ।
 मार्स रोभर मंगल ग्रहमा कम्तीमा दुई बर्षसम्म सक्रिय रहने जनाइएको छ । दुई वर्षे अवधीमा मार्स रोभरले मंगलग्रहमा रहेका खाल्डा र पानीको अवस्था तथा जीव बाँच्न सक्ने सम्भावनाको खोजी गर्ने वताइएको छ ।

- --एजेन्सी

अमेरिका, साउन २२ । अमेरिकी अन्तरिक्ष एजेन्सी नासाले पठाएको क्युरियोसिटी यान मंगल ग्रहमा सफल  अवतरण गरेको छ । सोमबार बिहान सवा ११ बजेतिर मंगल ग्रहको सतहमा नासाको यानले सफल अवतरण गरेको हो ।
रातो ग्रहको नामले चिनिने मंगल ग्रहका जीवको अस्तित्वका बारेमा दुई बर्ष अध्ययन गर्ने लक्ष्यका साथ यान अवतरण भएको हो । यस ग्रहमा कहिले कुनै जीवन रहे नरहेको बारेमा खाजी गर्नेछ । यस मिसनको अमेरिकाको लस एन्जल्स नजिकै रहेको जेट प्रोपुल्सन ल्यावरोटरीबाट निगरानी गरिएको छ । नाशासले यो रोवोट सबैभन्दा कठिन रहेको पनि बताएको छ ।
मंगल ग्रहमा अवतरण भएका यान मध्ये अहिलेसम्मकै ठूलो सो यान अवतरण गरेपछि मंगल ग्रहको सतहको फोटोहरु पनि पठाएको जनाइएको छ । १० वर्षको योजना पश्चात कार आकारमा यो राबोट यान निर्माण गरी मंगल ग्रहमा पुगेको हो । मंगल ग्रहमा पुग्न सो यानलाई प्रक्षेपण भएपछि ८ महिना लागेको थियो । यान अवतरणपछि अमेरिकी राष्ट्रपति बाराक ओबामाले यसमा संलग्न सबैलाई बधाई दिएका छन् ।