- नासाले प्रक्षेपण गरेको रोबोटको मंगलग्रहमा यसरी ओर्लियो (भिडियो)

२२ साउन, एजेन्सी । अमेरिकी अन्तरिक्ष एजेन्सी नासाको अत्याधुनिक तथा महत्वकांक्षी मार्स रोवर क्यूरयोसिटी आज बिहान करिब पौने ११ बजेतिर मंगल ग्रहमा सफल अवतरण गरेको छ । मंगल ग्रहमा अवतरण गरेको मार्स रोवरले त्यहाँ पुगेपछी त्यहाँको फोटो समेत पठाएको छ । विश्वको सबैभन्दा महंगो मानिएको यो मिसनका लागी वैज्ञानिकहरूले करिब १० वर्ष लगाएका थिए । मार्स रोवर रोबोटले मंगल ग्रहको सतहमा उत्रिनका लागी करिब ७ मिनेट लगाएको थियो । अहिले यो विषयले विश्वलाई नै त्यसतर्फ ध्यान मोडिदिएको छ । रोबोटले आफ्नो काम सफलता पूर्वक गर्न सक्ला या नसक्ला, मंगल ग्रहमा मानव बस्ति सम्भव होला या नहोला भन्ने विषयलाई झन् कौतुहलको विषय बनाइदिएको छ । रोबोटले पठाएको हरेक नयाँ कुराले अब मानिसको ध्यान अवस्य पनि तान्ने छ । यो रोबोट आज मंगल ग्रहमा झरेर त्यहाँको फोटो समेत पठाइसकेको अवस्थामा यता विश्वभर त्यसबारे खोजी तथा चर्चा बढिरहेको छ । यो रोबोट मंगल ग्रहमा ओर्लिएको भीडियो पनि सार्वजनिक भइसक्दा उक्त भीडियो हेर्ने मानिसहरूको संख्या पनि त्यतिकै बढिरहेको छ । हामी पनि हेरौ कसरी ओर्लिएको थियो रोबोट मंगल ग्रहमा..

Category: Headlines