विश्व रेकर्ड राख्दै भुटानी शरणार्थी युवा

युवराज विवश, दमक ।

भुटानी शरणार्थीहरुले पहिलो पटक गिनिज बुक अफ वर्ल्ड रेकर्ड्समा नाम लेखाउनका लागि आजबाट ५० घण्टे हात मिलाउने कार्यक्रम शुरु गरेका छन् ।

झापाको बेलडाँगी २ शरणार्थी शिविरमा मंगलबार बिहान १० बजेबाट उनीहरुले हात मिलाउन शुरु गरेका हुन् ।

सबैभन्दा बढी समय हात मिलाएर झापाको बेलडाँगी शरणार्थी शिविरका २ युवाले नाम लेखाउने प्रयत्नमा लागेका हुन् । बेलडाँगी २ बिस्तारित शिविरका निलहरि उप्रेती र बेलडाँगी २ का डिककुमार गुरुङले ५० घण्टा हात मिलाएर बिश्व रेकर्ड कायम गर्न लागेको बताएका छन् ।

निरन्तर ५० घण्टासम्म हात मिलाएर रेकर्डका लागि सम्पूर्ण तयारी भइसकेको भन्दै निलहरिले बिश्वमा शरणार्थीहरुले बिश्व रेकर्डका लागि पहलसमेत नगरेकाले आफूहरूले हात मिलाएर बिश्व रेकर्ड कायम गर्न लागेको बताए । यसअघि नेपालकै दिनेश तिम्सिना र रुपक तिम्सिनाले ४२ घण्टा ३५ मिनेट निरन्तर हात मिलाएर बिश्व रेकर्ड कायम गरेका थिए ।

कार्यक्रमका प्रचार संयोजक रामचन्द्र बाँस्कोटाले शरणार्थीहरुले बिश्वमा पहिलो पटक रेकर्ड कायम गर्न लागेको बताए ।

यी भुटानी युवाद्वयले ३६ घण्टा हात मिलाइसकेका छन् । उनीहरुले शरणार्थीहरुले इतिहास राख्न सफल हुनेमा बिश्वाससमेत ब्यक्त गरेका छन् । शरणार्थीहरुले रेकर्डका लागि काठमाण्डौमा भब्य कार्यक्रम गर्नेसमेत जनाएका छन् ।

उनले शरणार्थी युवाद्वयको यो साहसिक कार्यमा आर्थिक रूपले सघाउ पुर्‍याउनसमेत पुनर्वासमा गएका शरणार्थी समुदाय लगायत सवैमा अनुरोध गरेका छन् ।

हात मिलाउँदै गरेको भिडियो