- २८ जना दलितहरुको सामूहिक ब्रतवन्ध

पाँचथर,साउन २४ ।एक दलित परिवारले लगाएको श्रीमद्भागवत सप्ताह ज्ञान यज्ञ महापुराणको समापनको अवसरमा २८ जना दलितहरुको सामूहिक ब्रतवन्ध गरिएको छ । पितृ उद्दारका लागि पाँचथर फिदिम १ वस्ने लक्ष्मी प्रसाद लकान्द्री सुनवारले लगाएको महापुराणमा यसरी दलित बालकहरुको सामूहिक ब्रतवन्ध गरिएको हो ।
छुवाछुत प्रथाको अन्त्य गर्न आर्यन समुदायलाई चुनौती दिँदै पण्डित अर्जुन शंकर प्रमुख वाचक शन्त रसाईली र कृष्णभक्त गजमेर,तारामान जनकर्मी पाठपारायण गर्नुभएको थियो । दलित समुदायको आयोजनामा संचालित महापुराणमा गरिएको व्रतवन्ध जिल्लाकै पहिलो, र पुर्वान्चलकै दोस्रो भएको भएको दावी गरिएको छ ।
यस अघि झापामा पहिलोपल्ट सामूहिक दलितहरुको ब्रतवन्ध गरिएको थियो । पाँचथर,तेह्रथुम, र काठमान्डौका ८ वर्षदेखि २२ वर्ष उमेरका २८ जना दलितहरुको ब्रतवन्ध गरिएको थियो ।
#nayakhabar