सिम्पलको फरिया छोटो भएपछि

गायिका विनिता धितालले आवाज भरेको ‘के दिउँ’ एल्बमले बजारमा राम्रो छाप छोडेपछि उनको चर्चा पनि खुबै भयो । पहिलो एल्बम बजारमा ल्याएको केही समय पछि विनिता दोश्रो एल्बमको तयारीमा छिन् । उनको दोश्रो एल्बमको नाम ‘नक’ राखिएको छ । नक एल्बममा समावेश ‘मेरो फरिया छोटो छोटो भो’ बोलको गीतको भिडियोको छायांकन गरिएको छ ।भिडियोमा मोडल सिम्पल खनाललाई खुबै ग्ल्यामर रुपमा प्रस्तुत गरिएको देख्न सकिन्छ । प्रदिप कस्पालले निर्देशन गरेको भिडियोमा सिम्पल र गौरब पहाडीले अभिनय गरेका छन् ।
गीतमा टंक बुढाथोकीको संगीत, दिनेश सुवेदीको शब्द समावेश छ । पनौती र त्रिभुवन विमानस्थल वरपर छायांकन गरिएको भिडियोले बजारमा राम्रै चर्चा पाउने विश्वास गायिका धितालको छ ।

Category: Music