- बाउ उपरास्ट्रपति छोरा सचिब , बुहारी उपसचिब , पारिबारिक बन्दै स्वकीय सचिवालय

२१ साउन, काठमाण्डौं – उपराष्ट्रपति परमानन्द झाले स्वकीय सचिवालयमा आफ्नै परिवारका सदस्यहरुलाई नियुक्त गर्नुभएको छ । उहाँले छोरालाई सचिव, बुहारीलाई उपसचिव र सहसचिवमा भतिजालाई नियुक्त गर्नुभएको हो । उपराष्ट्रपति झाको स्वकीय सचिवालयमा सचिव, सहसचिव, उपसचिवसहित ६ जना रहने व्यवस्था रहेको छ । उनीहरुले नेपाल सरकारका कर्मचारी सरह तलब सुविधा पाउने गरेका छन् । निजी सचिवालयमा भने तीन जना सरकारी कर्मचारी रहने व्यवस्था छ ।

उपराष्ट्रपतिले छोरा कृष्णचन्द्र झालाई सचिवमा नियुक्त गर्नुभएको हो । छोरी नेपाल स्थित संयुक्त राष्ट्रसंघको कार्यालय पुल्चोकमा जागिर खान गएपछि छोरालाई सचिवमा नियुक्त गरेको खबर नयाँ पत्रिका दैनिकले छापेको छ । छोराको तलब ३१ हजार ८० रुपैयाँ, सुविधाको गाडि, इन्धन र सञ्चारसहित मसलन्द खर्च छ भने, भतिजा सहसचिवलाई २४ हजार सातसय ४० रुपैयाँ नगदसहित, सुविधाको इन्धन र सञ्चारसहित मसलन्द खर्च छ त्यस्तै बुहारीको तलब २१ हजार ८० रहेको छ ।

उपराष्ट्रपतिले सल्लाहकारमा पनि आफ्ना नातेदारलाई राख्न माग गर्नुभएको छ । तर सचिवालयमा सल्लाकार पद भने नभएको बताईएको छ । झाले स्वकीइ सचिवालयमा सल्लाहकारको पद सिर्जनाका लागि अर्थ मन्त्रालयमा माग गर्न कार्लालयलाई निर्देशन दिनुभएको छ ।