प्रदर्शन अगाडिनै तीस लाखमा बिक्यो 'छड्के'

मंसिर १९ गते, मंलबार, मेरो सिनेमा
प्रिन्सेस मूभी र रस ताण्डव कम्पनीको ज्वइन्ट भेन्चर ‘छड्के’ लाई प्रदर्शन अगावै नेप्लीज पार्टी इन अस्ट्रेलिया कम्पनीले तीस लाख रुपैयाँमा किनेको निर्माण पक्षले जानकारी गराएको छ । अस्ट्रेलिया वेस इभेन्ट अर्गनाइजर कम्पनीका सेरप घलेसँग गत तीन हप्ता अगाडी रस ताण्डव कम्पनीले एक वर्षको रिलिज सम्झौता गरेको निर्देशक निगम श्रेष्ठले मेरो सिनेमालाई जानकारी गराए । नेप्लीज पार्टी इन अस्ट्रेलिया कम्पनीले सिनेमाको ट्रेलर हेरेर तीस लाख रुपैयाँ खर्चन तयार भएको बताइएको छ । उक्त कम्पनीसँग ‘छड्के’ को अस्ट्रेलिया कपी  राईट रिलिज भएको मितिदेखी एक वर्षसम्म रहनेछ ।


माधव वाग्ले र नरेन्द्र महर्जनको संयुक्त लगानी रहेको यस सिनेमामा सौगात मल्ल, नम्रता श्रेष्ठ, अर्पण थापा, दयाह्याङ राई, प्रतिकराज न्यौपाने र सुनिल पोखरेल लिड क्यारेक्टरमा प्रस्तुत भएका छन् । त्यस्तै  रविन तामाङ, विपिन कार्की, खामेश्वर चुरासिया, निकुन श्रेष्ठ र सफल के.सी ‘छड्के’ बाट डेव्यू क्यारेक्टरको रुपमा प्रस्तुत हुदैछन् । ग्याङ्स्टार थ्रिलर श्रेणीको यस सिनेमाको फाइट डिरेक्सन भने योगेन्द्र श्रेष्ठले गरेका हुन् । त्यस्तै नाइट ब्यान्डले संगीत दिएको यो सिनेमालाई सञ्जय लामाले खिचेका छन् । यही डिसेम्बर २१ तारिखका दिन सेकेन्ड प्रोमो सार्वजनिक गर्ने भनिएको सिनेमा ‘छड्के’ को रिलिज डेट भने निर्माण पक्षले खुलाउन चाहेको छैन । सिनेमाको रिलिजसम्म एक करोड लागानी पुग्ने बताइएको ‘छड्के’ लाई प्रतिक्षित सिनेमाको रुपमा हेरिएको छ ।

Category: Media, Movie Review