बलीउडका दिग्गज फिल्म निर्माता यश चोपडाको निधन

मुम्बइ, कार्तिक ५, बलीउडका दिग्गज फिल्म निर्माता यश चोपडाको आईतबार साँझ निधन भएको छ । केही दिन अघि स्वास्थमा समस्या देखिएपछि उहाँको मुम्बईको लीलावती अस्पतालमा उपचार भैरहेको थियो । उहाँ डेङ्गु रोगबाट पिडित हुनुहुन्थ्यो । उहाँ ८० बर्षका हुनुहुन्थ्यो । सन १९३२ को सेप्टेम्बर २७ तारिखमा लाहोर शहरमा जन्मिएका यश चोपडा हिन्दी फिल्म इन्डष्ट्रिमा असिस्टेन्ट डाइरेक्टरका रूपमा प्रवेश गर्नुभएको थियो । उहाँले केही दिन अघिमात्र आफ्नो ८० बर्षको जन्मदिन मनाउनु भएको थियो । केही दिन अघिमात्र उहाँले एक अन्तर्वार्ताका क्रममा फिल्म निर्देशकका रूपमा ‘जब तक हे जान’ आफ्नो अन्तिम फिल्म भएको बताउनु भएको र यस फिल्म पछि फिल्म निर्देशन नगर्ने बताउनु भएको थियो । यश चोपडाले हिन्दी फिल्म इन्डष्ट्रिजमा त्रिशूल, दाग, सिलसिला, दीवार, लम्हे, चांदनी, दिल तो पागल हे, आईना, डर जस्ता कयौं उत्कृष्ट र हिट फिल्महरू दिएका छन् ।

भिडियो हेर्न को लागि यहाँ क्लिक गर्नुहोला