भाग खोस्ने ब्वाँसोलाई चिलको झापड (फोटोफिचर सहित)
आफ्नो भाग खोस्न आउने सत्रुमाथि कसलाई रिस उठ्दैन र ? आफुले मेहेनत नगर्ने तर अर्काको आहारा खोसेर जिउ पाल्ने परजिवी पात्रहरु मानव समाजमा पनि बग्रेल्ती पाइन्छन् भने जनावरहरुमा नपाइने कुरै भएन । भाग खोस्न आउने माथि केवल मान्छे मात्र जाइ लाग्दैन चिल पनि जाइ लाग्दो रहेछ, त्यो पनि आफुभन्दा शक्तिशाली ब्वाँसोमाथि ।
यस्तै भएको छ बुल्गेरियामा । बुल्गेरियामा एक जना फोटोग्राफरले निकै रोचक दृश्य आफ्नो क्यामरामा कैद गर्न सफल भएका छन् । इभ्स एडम्स नामका फोटोग्राफरले कैद गरेको दृश्यमा एउटा चिलले ब्वाँसोलाई आफ्ना नंग्राले झापट हानेर पराजित गर्दै भगाएको देखिन्छ ।
उनका अनुसार चिलले सिकार पक्रेर खान लागिरहेको बेलामा एक्कासी ब्वाँसो आएर त्यो सिकार खोस्न खोज्यो । त्यो पापी ब्वाँसोप्रति चिल आगो भयो, उसले आफ्ना नंग्रा ब्वाँसोको जिउमा गाड्दै युद्धमा उत्रियो । ब्वाँसाले प्रतिरोधको दुस्साहस त गर्यो तर उसको जोर चलेन र अन्त्यमा भाग्न विवस भयो । चारखुट्टेमाथि दुइखुट्टको यो विजय वास्तवमै नाटकिय थियो ।
Category: Wonder