र्शक हँसाउन व्यस्त हुन थाले बल्छी ध्रुवे !!
आफ्ना दर्शकसँग प्रत्यक्ष भेटघाट हुने र आम्दानी पनि गर्ने राम्रै माध्यम भएकोले पनि कलाकारहरु मेला महोत्सवमा जान रुचाउने गरेका छन् । यसै भीडमा बल्छी पनि परेका छन् । पछिल्लो समयमा बल्छीले दमौलीमा आयोजित एक सांगीतिक कार्यक्रममा दर्शकलाई पेट मिचिमिमि हसाँएर फर्केका छन् ।
भनिन्छ, बल्छीको हरेक शब्दमा हँसाउने जादू छ । सामान्य गफ गर्दा पनि रमाइलो तरिकाले प्रस्तुत हुने बल्छी ध्रुवेले तनहुँ लगायत गोरखा, धादिङ, चितवन जस्ता विभिन्न ठाउँहरुमा आफ्नो प्रस्तुतीबाट दर्शकलाई मनोरञ्जन दिलाई सकेका छन् ।
गोरखाको ताकुमा जन्मेका बल्छी अन्य कलाकारहरु भन्दा फरक तरिकाले प्रस्तुत हुने गरेका छन् । उनले आफ्नो प्रस्तुतीमा राजनीतिक विषयलाई भन्दा पनि आधुनिक युवायुवतीको बानी व्यवहारलाई ब्यंग्य गर्ने गर्छन् । राजनीतिक कुरालाई कम प्राथमिकता दिँदै आफ्नो प्रहसनमा अभिभावहरुलाई छोराछोरी प्रति सजक हुनको लागि सन्देश दिने गरेको बल्छी ध्रुवेको भनाइ छ ।
दमौली मेलामा मेरी बास्सैका मुख्य कलाकार केदार घिमिरे (माग्ने बुढा) र सीताराम कट्टेल (धुर्मुस)को क्यारिकेचर समेत गरेका बल्छीले तीतोसत्यका आरसी भट्टराई राजारामलाई जोडी बनाइसकेका छन् । यो जोडीले देशको विभिन्न भागमा हुने प्रहसनको लागि तयारी गरिरहेका छन् । घ्याम्पे भुँडी भएका आरसी र खिरिलो जीउ भएका बल्छीको जोडी राम्रै जम्ने देखिएको छ
Category: Celebrities
.jpg)
