जेल तोड्न खोज्दा भुँडीले रोकेपछि…………..(फोटोफिचर सहित)

उनी झण्डै जेल ब्रेक गरेर खुल्ला संसारमा प्रवेश गर्न सफल भैसकेका थिए । तर विडम्वना उनका लागि उनकै हाँडिघोप्टे भुँडी सत्रु सावित भयो र उनलाई जेलबाट भाग्न दिएन । भुँडिले प्वालमै अड्काइरहेका बेला उनलाई जेलका सुरक्षाकर्मीले देखे र नियन्त्रणमा लिइहाले ।

जेल तोड्ने असफल प्रयासको यो दुखदायी कथा हो ब्राजिलका राफेल भलादाओ नामका पुरुषको । ब्राजिलको सेरेस सहरस्थित एक जेलमा बन्दी जिवन बिताइरहेका राफेल अरु ३ जना साथीहरुसँग मिलेर जेलको भित्तामा प्वाल पारेर जेलब्रेक गर्ने प्रयासमा थिए । त्यसका लागि चारै जना मिलेर जेलको भित्तो फुटाएर मान्छे छिर्ने प्वाल समेत बनाए । त्यस प्वालबाट सुटुक्क पालैपालो निस्कने योजना मुताविक एक जना दुब्लापातला मान्छे पहिलो नम्बरमा जेलबाट बाहिर निस्किहाले । दोश्रो नम्बरमा पालो थियो राफेलको । मोटो जिउका राफेलका लागि उक्त प्वाल साँघुरो भयो । उनले टाउको, छाति हुँदै पेटसम्मको जिउ प्वालबाट बल्लबल्ल बाहिर छिराए । तर जब उनले बलजफ्ती त्यसमुनिको भाग छिराउन खोजे भुँडीभन्दा तल पटक्कै छिरेन ।

जबरजस्ती घुस्न लाग्दा उनी यस्तो नराम्रोसँग उक्त प्वालमा अडि्कए की, न त उनी बाहिर निस्कन सक्थे, न त भित्र पस्न सक्थे । प्वालमा अडि्कएपछि निस्कनको लागि उनले अनेक प्रयास गरे, तर सकेनन् । अन्त्यमा उनले गुहार माग्न थाले र रोइकराइ गरे । त्यो सुनेपछि जेलका सुरक्षाकर्मी तुरुन्त त्यहाँ पुगे । सुरक्षागार्डहरु पनि अचम्ममा परे । विचरा प्वालमा अडि्कएका राफेल के गरुन् ? उनी हल न चलको अवस्थामा थिए । सुरक्षाकर्मीहरुले पनि सजिलै उनलाई निकाल्न सक्ने अवस्था थिएन । पछि फायर ब्रिगेडका कर्मचारीहरुलाई बोलाएर बल्लतल्ल प्वालमा अडि्कएको उनको जिउलाई बाहिर निकालियो । विचरा उनको करङ नै भाँचिएको रहेछ ।

एकजना कैदी सुरुमै प्वालबाट निस्केकाले जेलब्रेकमा सफल बने । तर राफेल र उनीपछि पालो आउने पर्खाइमा बसेका अरु दुइ जना हेरेको हेर्यै भए । सायद यो अचम्मलाग्दो घटना विश्वकै सबैभन्दा खराब जेलब्रेक हुनर्ुपर्छ । के गर्नु आफ्नै भुँडीले धोका दिएपछि । हुन त भुँडीलाई पनि के दोष दिनु, आफ्नै भुँडीको आकार अड्कलेर प्वाल खोल्नुपर्ने थियो नी उनले । कि कसो ?

Category: Wonder