यो वर्षको डिसेम्बर २१ मा संसार ध्वस्त भएरै छाड्ने अस्ट्रेलियाली प्रधानमन्त्रीको दाबी !

सिड्नी । अस्ट्रेलियाली प्रधानमन्त्री जुलिया गिलार्डले संसारको अन्त्य अवश्यंभावी रहेको भन्दै यस्तो प्रलयको दिन नजिकिइरहेको बताउनुभएको छ । यो वर्षको डिसेम्बर २१ मा पृथ्वी ध्वस्त हुने हल्ला चलिरहेको अवस्थामा एक भिडियो सन्देशमा गिलार्डले अस्ट्रेलियाली जनतालाई सम्बोधन गर्दै माया पात्रोको भविष्यवाणी सही रहेको र संसार ध्वस्त हुने पक्का रहेको दाबी गर्नुभयो । संसार कुन हिसाबले ध्वस्त हुन्छ भन्ने कुरा थाहा नभएपनि यो अवश्य नास हुने गिलार्डको भनाइ छ ।
यसैबीच संसार ध्वस्त हुने भनिएको डिसेम्बर २१ नजिकिँदै गर्दा मायावी विश्वको केन्द्र मानिने ग्वाटेमालामा विदेशी पर्यटकको घुइँचो बढेको अस्ट्रेलियाबाट सञ्चालित कम्युनिटी न्युज पोर्टल एयु नेपालले जनाएको छ । ग्वाटेमालामा डिसेम्बर २० र २१ मा विश्व मानवताको नयाँ विहानी शिर्षकको विश्व सम्मेलन हुँदैछ । माया पात्रोका अनुसार डिसेम्बर २१ का दिन अहिलेको विश्व ध्वस्त हुन्छ र नयाँ संसारको सिर्जना सुरु हुन्छ भन्ने मान्यता छ  ।
हेर्नुहोस् गिलार्डको भिडियो सन्देश

भिडियो हँसाउन मात्र !
प्रधानमन्त्रीको मुखबाट व्यक्त यो सम्बोधनलाई प्यारोडी बताइएको छ । युट्युवमा यो भिडियो निकै चर्चित पनि भएको छ । संचारमाध्यमहरुले यो भिडियोलाई प्रधानमन्त्रीको असली सम्बोधन भएपनि रेडियो कार्यक्रमको बिज्ञापनका लागि मात्र रेकर्ड गरिएको बताएका छन् । जुलियाका प्रवक्ताले भने- बर्षको अन्त्यका लागि हसाउँने उदेश्यले मात्र भिडियो रेकर्ड गरिएको हो त्यस्तो अरु केही हैन् ।’

Category: News