सुशीलले प्रचण्डलाई भने-साहस भए १२ बुँदे च्यातेर देखाऊ

प्रजातन्त्रका सेनानी स्व. श्यामकृष्ण प्रधानको १३ औँ दिनको पुण्यतिथिमा कांग्रेस चितवनले आयोजना गरेको शोकसभामा सभापति कोइरालाले अन्य दलहरूलाई नधम्क्याउन र सक्ने भए फेरि जंगल फर्किएर देखाउन चुनौती दिनुभयो । हालै मात्र एमाओवादी अध्यष प्रचण्डले जेठमा चुनाव नगर्ने हो भने सबै सम्झौता च्यातेर विद्रोह गर्ने चेतावनी दिनु भएको थियो ।

उहाँले एमाओवादीले सर्वसत्तावादी चिन्तन नत्यागे आफैँ समाप्त भएर जाने चेतावनी दिनुभयो । कोइरालाले भन्नुभयो-माओवादीले सर्वसत्तावाद लाद्ने मानसिकता बिर्सन सकेन भने उसको हालत राणा, पञ्चायत र राजतन्त्रको जस्तो हुनेछ ।’ कांग्रेसलाई कसैले पनि छक्याएर र भुलाएर सर्वसत्तावादी शासन लाद्ने कुचेस्टा नगरे हुन्छ भन्दै उहाँले प्रजातन्त्रका मूलभूत कुरासँग सम्झौता गर्न नसक्ने बताउनुभयो ।

वर्तमान सरकारलाई परास्त गर्न आन्दोलन थालिएको भन्दै उहाँले आन्दोलन निणर्ायक बिन्दुमा पुगेरै छाड्ने विश्वास व्यक्त गर्नुभयो ।