- अमेरिकि संसद सदस्यमा रोनियार पहिलै चरणमा पराजित, सुजन र जोन बिजयी
अमेरिकी कंग्रेस सदस्यका चुनावी अभियानमा रहेका नेपाली मुलका दर्शन रौनियार पहिलो चरणवाटै बाहिरिन पुगेका छन । डेमोक्रयाट् पार्टीको तर्फबाट मनोनयनका लागि मंगलबार भएको प्रारम्भिक चरणको चुनावमा रौनियार पराजित भएर बाहिरिएका हुन ।
अमेरिकी तल्लो सदन 'हाउस अफ रिप्रेन्जेन्टिभस्' को वासिङ्टन राज्यको एक नम्बर डिस्ट्रिकको प्रारम्भिक चरणको मंगलबारको प्रतिस्पर्धाले आगामी नोभेम्बरको अन्तिम चरणको लागि डेमोक्रयाट् र रिपब्लिकन पार्टीको तर्फबाट क्रमशः सुजन डेलबेन र जोन कोस्टर निर्वाचित भएका छन ।
रिपब्लिकन उम्मेदबार कोस्टरले सबैभन्दा बढी ४७ दशमलब १३ प्रतिशत एवम डेमोक्रयाट् डेलबेनले २३ दशमलब २४ प्रतिशत मत प्राप्त गरे । वासिङटन राज्यका सेक्रेटरी अफ स्टेटले जनाएका अनुसार रौनियारले भने दुई दशमलब ३१ प्रतिशत मत प्राप्त गरे ।
प्रारम्भिक चुनावमा रौनियार सहित डेमोक्रयाट्को तर्फबाट पाँच एवं रिपब्लिकन पार्टी र स्वतन्त्र बाट एक एक प्रत्यासीहरु चुनावी मैदानमा थिए । चार लाख २५ हजार मतदाताहरु रहेको सो क्षेत्रमा झण्डै करिब ४५ हजार मत मात्र खसेको जनाइएको छ ।
.jpg)
