एक भुटानीद्वारा आफ्नै काकी सहीत ३ जनालाई खुकुरी प्रहार

पथरी ।
आफ्नी काकीसहित तीन जनालाई खुकुरी प्रहार गर्ने एक शरणार्थी युवालाई प्रहरीले पक्राउ गरेको छ । खुकुरी प्रहार गरेपछि पक्राउ पर्ने शनिश्चरेस्थित भुटानी शरणार्थी शिविर सेक्टर के३ छाप्रो नम्वर २ का २६ बर्षीय टेकबहादुर राई हुन् ।
अभियुक्त राईले सोमबार राती १० बजे मादक पदार्थ सेवन गरी सोही सेक्टर छाप्रो नम्बर ६ बस्ने आफ्नी काकी मेनुका राई, सेक्टर डि१ छाप्रो नम्बर ५४ का याम बहादुर ओली र सेक्टर जी१ छाप्रो नम्बर २८ संगीता राईलाई खुकुरी प्रहार गरी घाइते बनाएका हुन् । घाइते तीनै जनाको विराटनगरस्थित कोशी अञ्चल अस्पतालमा उपचार भइरहेको शिविर सचिव चम्पसिंह राईले पूर्वेली टाइम्सलाई बताए । सचिव राईका अनुसार घाइतेमध्ये ओलीको अवस्था गम्भीर र अन्य दुईको सामान्य रहेको छ ।
घटना सम्बन्धमा प्रहरीले आवश्यक अनुसन्धान गरिरहेको बताइएको छ ।
#purbelitimes