- भारतले आज पारमाणविक पनडुब्बी परीक्षण गर्दै

काठमाण्डौ,साउन २४ ।
भारतले आज आफैले निर्माण गरेको पहिलो पारमाणिक आईएनएस अरिहन्त पनडुब्बी परीक्षण गर्ने भएको छ । साथै भारतले सेनालाई युद्धपोत लडाकु विमान र अत्याधुनिक हातहतियारबाट सुसज्जितबाट गर्न अर्बौं र अमेरिकी डलर खर्चिने योजना सार्वजनिक गरेको छ । ६ हजार टनको आईएनएस अरिहन्त नाम पनडुब्बीबारे सन् २००९ मा सार्वजनिक भएको थियो ।

परियोजनामा पारमाणविक क्षमताको जल तथा थलमा प्रयोग गरिने क्षेप्यास्त्र उपयोग गर्न सक्ने पाँचवटा पनडुब्बी तयार गर्ने लक्ष्य राखिएको थियो । भारतका नौसेना प्रमुख एडमिरल निर्मल वर्माले अरिहन्तले बिस्तारै प्रगति गरिरहेको र यो आउँदो महिनामा परीक्षणमा आउने जानकारी दिनुभयो । उहाँले परीक्षणपछि सामुद्रिक तथा पारमाणविक क्षमतालाई कायम गरिने तथा भारतको सुरक्षाको प्रत्याभूति समुद्रबाट पनि प्राप्त हुने उल्लेख गर्नुभयो । अरिहन्तमा ८५ मेगावाटको पारमाणविक ऊर्जा संयन्त्र रहेको छ र यो प्रति घण्टा ४४ किलोमिटरको गतिमा अगाडि बढ्नसक्छ । यस पनडुब्बीमा ९५ जना चालक रहन सक्नेछन् ।
#SindhuliDarpan