सेक्स बिनाको प्रेम सुगन्ध बिनाको फूल जस्तै हुन्छ - सुशमा कार्की(भिडियो )

शुष्मा कार्कीको बिभिन्न स्क्यान्डलले चर्चामा आएको `बिन्दास` फिल्मको नयाँ प्रोमो सार्वजनिक गरिएको छ । भाद्र ८ गतेबाट प्रदर्शनमा आउन लागेको फिल्म बिन्दासले अहिलेका युवायुवतीको सेक्स प्रतिको हेराईलाई मुख्य बिषय बनाएको छ ।

 सो प्रोमोमा नायिका कार्कीले सेक्सको बिषयमा आफ्नो धारणा प्रस्तुत गरेकी छिन् । आधुनिक युवायुवतीको जीवनकथालाई चित्रण गरेको बताईएको बिन्दासमा अहिलेको युवाहरूको बढ्यो सेक्स प्रतिको विकृतिलाई यथार्थ रूपले प्रस्तुत गरिएको छ ।

मधुकुमार श्रेष्ठको प्रस्तुतीमा राजु केसीले निर्माण गरेको फिल्मलाई राजु गिरीले निर्देशन गरेका हुन् । फिल्ममा शुष्माका अलावा शुसान्त कार्की, अशोक फुयाल, रोशनी घिमिरे, मधुकुमार श्रेष्ठ लगायतको अभिनय रहेको छ । संगीतले बजार तताईरहेको सो फिल्मका गीतमा अर्जुन पोखरेल संगीत भरेका हुन् ।