सांग्ला खाने प्रतियोगिता : जित्नेको गयो ज्यान
अमेरिकाका एक मानिसले सांग्ला खाने प्रतियोगिता त जिते तर सांग्लाको सेवन उनको मृत्युको कारण बन्यो र जितको खुसी मनाउन नपाउँदै उनी परमधाम भए ।
अमेरिकाको फ्लोरिडामा भएको जिउँदा सांग्ला चपाएर खाने प्रतियोगितामा अरु ३० जना स्पर्धीलाई पछार्दै ३२ वर्षका इडवार्ड आर्कबोल्ड प्रथम भए । तर प्रतियोगिता सकिने बित्तिकै उनलाई बिसन्चो भयो र प्रतियोगिता स्थलमै ढलेर बेहोस भए ।
प्रहरीका अनुसार प्रतियोगितामा उनीसँगै सांग्ला खाएका अरु प्रतिस्पर्धी भने कोहीपनि बिरामी परेका छैनन् । सांग्ला खाएर ढलेलगत्तै आर्कबोल्डलाई अस्पताल लगियो जहाँ उनलाई डाक्टरहरुले मृत घोषित गरे ।उनको मृत्युको खास कारण अझै पत्ता लाग्न नसकेको र पोष्ट पार्टम रिपोर्टपछि मात्र थाहा लाग्ने बताइएको छ । प्रतियोगिताका आयोजकले यो घटनाबाट आफु मर्माहत भएको बताएका छन् । प्रतियोगितामा भाग लिनु अघि सबैजनालाई मन्जुरीनामा कागज गराइएको र पछि केही भएमा उजुरी नगर्ने सहमति भएको हुनाले आयोजकलाई आर्कबोल्डको मृत्युको विषयमा मुद्दा नचल्ने सम्भावना रहेको बताइएको छ ।
अनलाइनखबर
