गुगललाई-राष्ट्रपतिले-दिए-चेतावनी

एजेन्सी । फ्रान्सका राष्ट्रपति फ्रांस्वा ओलान्दले विज्ञापनको राजस्वका सम्बन्धमा कुरा नमिले छुट्टै कानुन ल्याएर गुगललाई चेताउने धम्की दिएका छन् । गुगल लगायत अन्य सर्च इन्जिनलाई उनले राजस्वका सम्बन्धमा कुरा मिलाएर जाने अन्यथा मिडिया कंटेन्टका लागी रकम तिर्नुपर्ने एक विधेयक अर्थात् कानुन ल्याउने बताएका छन् । गुगलका कार्यकारी अध्यक्ष एरिक स्किमिड्टसँग भएको भेटवार्तापछि राष्ट्रपति ओलान्दले यस्तो प्रतिक्रिया दिएका हुन् । उनले भेटवार्ताका क्रममा पनि यस्तै प्रस्ताव राखेको र आफू वार्ताबाटनै समस्या समाधान गर्ने पक्षमा रहेको बताएका छन् । उनले यदी वार्ताबाट कुरा नमिले कानुनी उपचार खोज्ने बताएका हुन् ।