पाठेघर फालेपछि मनिषालाई कलेजोमा पनि समस्या
अचानक पेट दुखेर आत्तिएकी मनिषालाई परिवारले गत मंसिर १० गते थापाथलीस्थित नर्भिक अस्पतालमा पुर्याएका थिए । अस्पताल आउँदा मनिषाको अत्यधिक रक्तश्राव भएको अस्पताल स्रोतले जानकारी दियो । त्यतिबेलै गरिएको परिक्षणमा मनिषाको डिम्बासयमा क्यान्सर र कलेजो फेल भएको रिपोर्ट आएको छ ।
‘ल्याब रिपोर्टमा ओभरियन म्यालिग्यान्सी र कलेजो डिस्फङसनिङ भएको पाइएको थियो’ स्रोतले भन्यो-’ त्यो भनेको डिम्बासयमा क्यान्सर र कलेजोले काम गर्न छाडेको अबस्था हो ।’
रिपोर्ट सोचेभन्दा निकै खतरनाक आएपछि परिवारको आग्रहमा अस्पतालले उनको स्वास्थ्य अबस्था गोप्य राखेको थियो । तीन दिनसम्म नर्भिकमै राखेर मंसिर १२ गते मनिषालाई मुम्बईस्थित जसलोक अस्पताल पुर्याइएको थियो । मनिषाको रोगबारे नर्भिकमै जानकारी भएपनि उनलाई जसलोक हुँदै अमेरिका लगिएको बताइएको छ । ‘क्यान्सरको कुरा त मुम्बई पुगेलगत्तै खुलाइएको तर कलेजोको समस्या अहिलेसम्म खुलाइएको छैन’ स्रोतले भन्यो-’अमेरिका जानुको खास कारण कलेजोको समस्या हो । अत्यधिक मदिरा सेवन गर्ने ब्यक्तिको कलेजोमा समस्या आउने चिकित्सकहरु बताउँछन् ।
नर्भिकमा मनिषाको उपचार बरिष्ठ चिकित्सक मघु घिमिरेको टोलीले गरेको थियो । उपचारमा उनका काका तथा काँग्रेस नेता डा. शेखर कोइराला प्रत्यक्ष सहभागी थिए । सो क्रममा डा. कोइरालाले मनिषाको सवै केसको गहिरो अध्ययन गरेका थिए । नर्भिकको ल्याब रिपोर्ट पनि सुरुमा शेखरले नै हेरेका थिए । उनकै सल्लाहमा थप उपचारका लागि लैजाने निर्णय भएको थियो ।
सार्वजनिक ब्यक्तिहरुको अस्पताल आउनसाथ बिज्ञप्तिमार्फत् जानकारी दिने नर्भिकले मनिषाको उपचारका क्रममा भने कुनै सूचना सार्वजनिक गरेन् । परिवारको आग्रहपछि नर्भिकको बोर्डले कुनै ब्यक्तिको उपचारको जानकारी नदिने निर्णय गरेको थियो ।
