छोडपत्र माग्ने युवतीसँग बुढा न्यायाधीशको चर्तिकला
न्यायाधीशले छोडपत्र गराईदिए बापत १ लाख १० हजार अफगानी मुद्रा र आफूसँग विवाह गर्नु पर्ने सर्त राखेको गोप्य रेकर्डिङबाट खुलेको हो । आरोपित न्यायाधीशको उमेर ६५ वर्ष छ र उनले आरोपको खण्डन गरेका छन् । उनले विवाहको प्रस्ताव आफूले ठट्टा गरेको दावी गरे ।
उनले भनेका छन्-’जब उनले आफूसँग विवाह गर्न कोही तयार छैनन भनिन् । मैले ठट्टा गरेर म तिमिसँग विवाह गर्छु भनेको हुँ ।’ छोडपत्र माग्दा अदालत पुगेकी देवाले आफू अलालाबादको अदालत पुग्दा न्यायाधीश जोराहुद्दीनले घरमा बोलाएको र यस्तो प्रस्ताव राखेको बीबीसीलाई बताइन ।
देवा एक रेडियो पत्रकार समेत थिइन् । उनले न्यायाधीशको जाँदा लुकाएर रेकर्डिङ गरेका थिइन् । उनले भनेकी छिन्-’जब घुस माग्न थालियो, मैले उनको आवाज रेकर्ड गरेँ ।’ रेकर्ड गरिएको कुराकानीमा न्यायाधीशले २० हजार अफगानी मुद्रा माग गरेका छन् भने मुद्दा सुनुवाई गर्ने न्यायाधीशका लागि १ लाख मागे । देवाले आफूसँग यति धेरै रकम नभएको बताएपछि ती न्यायाधीशले आफूसँग विवाहको प्रस्ताव राखेका थिए । उनले भने-’म तिमिलाई २० लाख अफगान मुद्रा दिन्छु र शिरदेखी पाउसम्म सुनले ढाकिदिन्छु ।’ देवाको परिवार ती न्यायाधीशको रेकर्ड गरिएको आबाजसहित सर्वोच्च अदालत पुगेको छ ।
