सकियो नेपालमा हलिउड फिल्मको छायांकन
एक हलिउड फिल्मको छायांकन सकिएलगतै अर्को हलिउड सिनेमाको छायांकन भर्खरै मात्र नेपालमा गरिएको छ । । अमेरिकन उपन्यासकार जोसेफ वङद्धारा लिखित उपन्यास सोल्डलाई मुख्य आधार बनाएर तयार पारिएको हलिउड सिनेमामा मह जोडी मुख्य भुमिकामा देखिँदैछन् । सिनेमाको नाम सुरुवातमा सोलड राखिएता पनि अन्तिम समयमा फ्लाइट राखिएका हो । चलचित्रको पोखरा र कास्कीको हेम्जा गाविसमा छायांकन गरिएको छ । सिनेमाको छायांकन सकेर निर्माण युनिट अमेरिका फर्किसकेको छ ।
कलकत्तामा केही दिन छायांकन गरी निर्माण युनिट ४० जनाको टोली लिएर नेपाल आएको थियो । चलचित्रमा नेपालका ४० जना प्राविधिक तथा कलाकारहरुको सहभागीता छ । चलचित्रको प्रोडक्शन म्यानेजर अरुण रेग्मी रहेका छन् भने प्रोडक्शन कोडिनेटर अनन्त तिमिल्सिनाले गरेका हुन् । सिनेमाको निर्देशन अमेरिकी निर्देशक जेफ्री ब्राउनले गरेका हुन् । यो सिनेमामा महजोडीको अतिथि भूमिका रहेको छ ।
एउटा नेपाली चेली कसरी मुम्बईको कोठीमा बेचिन्छ भन्ने कथालाई सिनेमाले उठान गर्न खोजेको छ । सिनेमाको निर्माणमा माइती नेपालले पहल गरेको बताइएको छ । चलचित्रमा मह जोडीका अलवा निहार, ज्यापार लगायतको अभिनय छ । अतिथि भूमिका भए पनि अंग्रेजीमा संवाद बोल्दा रमाइलो लागेको महजोडीको भनाइ छ ।
