किन चाँडै मर्छन एक्लै गाउनेहरु ?
सफलताको स्वाद चाख्ने एकल गायक/गायिका (एक्लै गाउने कलाकार) ब्याण्ड गायक -समूहमा गाउने कलाकार) को तुलनामा छिट्टै मृत्युको शिकार हुन्छन् । बीएमजे पत्रिकाले लामो अध्ययनपछि एकल कलाकारको छिटो मृत्यु हुने तथ्य सार्वजनिक भएको हो । त्यसो कसरी हुन्छ भन्नेबारे कारण पनि खोजी गरिएको छ । ब्याण्डका कलाकारहरु समूहमा हुन्छन् तर, एकल कलाकार नितान्त एक्लो हुन्छ । युरोप र उत्तरी अमेरिकाका १४ सय रक स्टार एवं पप स्टारको करियरमा गरिएको अध्ययनपछि पत्रिकाले यस्तो दावी गरेको हो । अध्ययनमा समावेश गरिएका कलाकारहरु सन् १९५६ देखि २००६ सम्मका चर्चित र नाम चलेकाहरु छन् ।अध्ययन
प्रत्येक १० मा एक कलाकारको मृत्युलाई अध्ययनले देखाएको छ, ती सफल र चर्चित एकल कलाकार थिए । जवकी उत्तर अमेरिकामा प्रत्येक ५ मा एक जना एकल कलाकारको मृत्यु चाँडै भएको छ । सन् २०१२ फेब्रुअरीमा अध्ययन सकिएको थियो । अध्ययनले करिव १ सय ३७ एकल कलाकारको मृत्यु कमै उमेरमा भएको देखाएको छ । जसमा माइकल ज्याक्सनको नाम पनि छ । यस्तै एल्भिस, जिमी हेडि्रक्स, र्यापर टू पेक लगायतको नाम पनि यो सूचीमा छ । उनीहरुको मृत्यु ३९ वर्षभन्दा कम उमेरमा नै भएको थियो ।
‘सेलिब्रेटी बिहेवियर’ अध्ययन गर्ने मनोबैज्ञानिक हनी लेगकास्टर जेम्स भन्छन्-’एकल कलाकार अधिकांश समय एक्लोपनको शिकार हुन्छन् । अध्ययनका अनुसार गाराहरुको तुलनामा काला मानिसहरुको छिटो मृत्युको सम्भावना बढी हुन्छ । यहाँसम्म कि नशा वा यस्तै कारणले मृत्यु भएका कलाकारहरुको बालापन हेर्ने हो भने कुनै नै कुनै नराम्रो अवस्था पाइन्छ ।
बालापन उपेक्षित भएकाहरुका लागि संगीतिक करियर लाभदायक हुने अध्ययनले सल्लाह दिएको छ । तर, खतरनाक पनि हुन्छ । किनकी संगीतमा लागेपछि पैसा र स्टारडम पाउँछन् र अब्यवहारिक हुन थाल्छन् ।
-बीबीसीको रिपोर्टमा आधारित
Category: Gossip
