को हुन् सिनेमा क्षेत्रका तोरी लाहुरे ?
चलचित्र क्षेत्रमा उदाउदै गरेका नायकद्धय सुभाष थापा र गजित विष्टले एउटा रमाइलो उपनाम पाएका छन् । अब उनीहरुलाई नायक भन्दा पनि तोरी लाहुरेको रुपमा बजारमा बोलाउन थालिएको छ । प्रसंग हो चलचित्र ‘तोरी लाहुरे’को शुभमुहुर्तको । यसभन्दा अघि चलचित्र ‘बजार’ निर्देशन गरेका एन.बी महर्जनले निर्देशन गर्न लागेको चलचित्र ‘तोरी लाहुरे’ को सोमबार शुभमुहुर्त गरिएको छ । रिदम एण्ड दिलिप फिल्मस्को व्यानरमा तयार हुन लागेको यो चलचित्रलाई सूर्य थोकर र दिलकुमार तामाङले निर्माण गर्न लागेका हुन् ।चलचित्रमा सुभाष र गजितका अलवा रोहित कुमार, आशिष्मा नकर्मी, समुना केसी, जानुका बोहरा, दिनेश डीसी, सुशिल पोखरेलको मुख्य भुमिका रहनेछ । चलचित्रमा गम्भीर बिष्टको नृत्य, शंकर महर्जनको द्वन्द्व, सन्तोष राइ र ईजी ब्याण्डको संगीत रहने पक्का भएको छ । चलचित्रको छायांकन ३५ दिनमा सकाइने निर्माणपक्षको भनाई छ । नेपाली समाजमा काम नगरी हल्लिएर हिड्ने युवाहरुलाई तोरी लाहुरे नामले बोलाउने गरिन्छ ।
Category: Media, Movie Review
