मापदण्ड मिचेर बनाएको घर महानगरपालिकाले भत्काइदिने
काठमाडौ, माघ ६ – काठमाडौ महानगरपालिकाले मापदण्ड विपरित बनेका घर भत्काइदिने तयारी गरेको छ ।
मापपदण्ड विपरित बनाइएका घर भत्काउन लिखित सूचना पठाएपनि त्यसको कुनै जवाफ नआएको र कार्यान्वयन नभएकाले घरमा ‘सिल’ गर्न लागिएको महानगरपालिकाका कार्यकारी अधिकृत केदारबहादुर अधिकारीले जानकारी दिनुभयो ।
अनुमति लिइएको भन्दा बिपरित बनेका घर आफैं व्यवस्थित गर्न महानगरपालिकाले माघ महिनासम्मको समय दिएको छ । घरधनीले ढिलासुस्ती र अटेर गरिरहेकाले महानगरपालिकाले घरका झयाल् ढोका भत्काई घर उपयोग गर्न नमिल्ने बनाउन लागेको हो ।
यसरी घर भत्काउँदा व्यक्तिगत सम्पतिमा क्षति पुग्न सक्ने भएकाले सूचनाको पालना गर्न पनि महानगरपालिकाले आग्रह गरेको छ । अनुगमनका क्रममा घर बनाउँदा अनुमति लिएको भन्दा बढी तला थपेको पाइएको महानगरपालिकाले जनाएको छ ।
Category: समाचार
.jpg)
