चियाबगानमा १९ वर्षीया युवतीको सामूहिक बलात्कार
१९ पुस, झापा । महिला हिंसा रोक्न माग गर्दै अधिकारकर्मीहरु आन्दोलनमा उत्रिरहेका बेला झापामा एक युवती सामूहिक बलात्कारको शिकार भएकी छिन् ।
दमक-९ स्थित हिमालय चियाबगान भित्र १९ वर्षीया युवतीलाई गएराति स्थानीय चार जना युवकले बलात्कार गरेको प्रहरीले जनाएको छ । बलात्कार गर्ने दमक ९ का सचिन भट्टराइ, सन्दीप भट्टराई र आशिष दर्नाललाई प्रहरीले पक्राउ गरेको छ । अर्का एक भने फरार छन् ।
‘आफ्ना प्रेमीसँग हाइबेमा बसिरहेको अवस्थामा नियन्त्रणमा लिएर बलात्कार गरेका रहेका छन्’ दमकका प्रहरी निरीक्षक हरी खतिवडाले अनलाइनखबरसँग भन्नुभयो-’उनका प्रहरीले भनेपछि प्रहरी टोली पुग्दा बाहिरिँदै गरका उनीहरुलाई पक्राउ गरेका छौं ।’
युवतीलाई नियन्त्रणमा लिने क्रमा उनीहरुले प्रेमीलाई भने मरनासन्न हुनेगरी कुटपिट गरेका छन् । साँझ ७/८ बजेतिर युवतीलाई नियन्त्रणमा लिएका थिए भने विहान करिव ३/४ बजेतिरमात्र प्रहरीले उद्धार गरेको थियो ।
उनीहरुलाई बजरजस्ती करण अन्तरगत मुद्धा चलाइने प्रहरीले जनाएको छ । युवतीलाई उपचारपछि अहिले प्रहरीले संरक्षणमा राखेको छ ।
Category: Latest News
