लम्जुङ बसेर दुबईका व्यापारीलाई १२ करोड माग

काठमाण्डौं ९ माघ लम्जुङमा बसेर दुबईका व्यापारीसँग ५० लाख दिराम (करिब साढे १२ करोड रुपैयाँ) फिरौती माग्ने युवा पक्राउ परेका छन् । उनी विरुद्ध उजुरी गर्न दुबईका व्यापारी काठमाण्डौं नै आएका थिए ।

दुवईमा सामान्य मजदुरी गरेर फर्किएका लमजुङ भोटेओडारका बीजेन्द्र थापाले रातारात करोडपति हुन पहिले आफैले काम गरेको कम्पनीका मालिकलाई एसएमएस र इमेल गरेर धम्क्याएका थिए । दुवईमा आफ्नो ‘ग्याङ’ भएको भन्दै उनले फिरौती नर्पा व्यापारीलाई मार्ने धम्की दिएका थिए ।

दुवईमा व्यवसाय गर्दै आएका अफगानिस्तानका व्यापारी मारुइस अब्दुल अजिजको कार्यालयमा बीजेन्द्रले सहयोगीको रुपमा चार बर्ष काम गरेका थिए । चार बर्ष काम गर्दा व्यापारी अजिजसँग अबौं रुपैयाँ भएको थाहा पाएका उनले १२ करोड रुपैयाँ सजिलै उम्काउने आशामा धम्क्याएको बताएका छन् । बीजेन्द्र दुबईबाट चार महिना अघिमात्र नेपाल फर्किएको नयाँ पत्रिकामा खबर छ ।

उनले परिचय गोप्य राखी फोन गरेर धम्क्याउँदा केही रकम दिने बताएपनि पछि ५० लाख दिराम माग गरेपछि उनी आत्तिदै नेपाल आएर उजुरी दिएका थिए ।