दुर्गम गाउमा सित्तैमा सौर्य उर्जा बाडियो
रसुवा, माघ ७ - रसुवाको अति दुर्गम गाविस यार्सा – ३ घाङमर गाउँका बासिन्दालाई लाङटाङ राष्ट्रिय निकुञ्ज तथा मध्यवर्ती क्षेत्र सहयोग आयोजनाले सौर्य उर्जा वितरण गरेको छ ।
आयोजनाले घाङमर गाउँका बासिन्दाहरुलाई सौर्य उर्जा वितरण गरे पछि त्यस गाँउका बासिन्दा टुकि र दियालोको झन्झटबाट मुक्त भएका छन् ।
यार्सा – ३ घाङमर गांउमा २५ घरपरिवारलाई सौर्य उर्जा वितरण गरेको सहयोग आयोजनाका आयोजना प्रबन्धक गौतम पौडेलले बताउनुभयो ।
राष्ट्रिय प्रशारण लाइनको विद्युत सेवाबाट वञ्चित रहेका रसुवाको दुर्गम ग्रामिण क्षेत्रका बासिन्दाहरु सौर्य उर्जा प्रयोग गर्न पाउँदा धेरै खुसि भएका छन् ।
आयोजनाले वैकल्पिक उर्जाको प्रयोग गरी वन जंगलबाट प्रयोग हुने इन्धनको खपतलाई कम गरि जैविक विविधताको संरक्षण गर्नका लागि सौर्य उर्जा वितरण गरिएको जनाएको छ ।
विपन्न परिवार तथा राष्ट्रिय प्रशारण लाईनले नछोएको घाङमर गाउँका २५ घरपरिवारलाई सौर्य उर्जा खरिद गर्नको लागि सहयोग आयोजनाले ३ लाख ८१ हजार रुपैयाँ सहयोग गरेको छ ।
Category: News
