नेकपा-माओवादीको बन्दसत्रमा आजदेखि समुहगत छलफल हुँदै

२७ पुस, काठमाण्डौं । राजधानीमा जारी नेकपा-माओवादीको महाधिवेसनमा अध्यक्ष मोहन वैद्य र सचिव देव गुरुङले प्रस्तुत गर्नुभएको राजनीतिक र विधान संसोधन प्रस्ताव प्रतिवेदनमाथि आजदेखि समुहगत छलफल सुरु हुँदैछ ।

बिहीबारदेखि सुरुभएको बन्द सत्रमा अध्यक्ष वैद्यले पेस गर्नु भएको राजनीतिक प्रतिवेदन र नयाँ जनवादी क्रान्ति सम्बन्धि राजनीतिक प्रस्ताव र गुरुङले विधान संसोधनको प्रस्तावमा आज समुहगत छलफल हुन लागेको हो । प्रतिवेदनमाथि छलफल गर्न २१ वटा समूह बनाइएको छ ।

आज १२ बजेसम्म समुहगत छलफल सकेपछि टोली नेताहरुले छलफलको निष्कर्ष पेस गर्ने प्रवक्ता पम्फा भुसालले जानकारी दिनुभयो । समुहले पेस गरेको निष्कर्षका आधारमा पार्टीले भावी कार्यदिशा तय गर्ने भुसालको भनाई छ । महाधिवेशनका लागि तयार पारिएको मस्यौदा राजनीतिक प्रस्तावमा अहिले क्रान्तिका लागि अनुकुल वातावरण नरहेको तर संघर्ष आवश्यक रहेको उल्लेख छ । साथै महाधिवेसनमा सहभागीहरुले जनयुद्धको मर्म अनुसार पार्टीको कार्यदिशा बनाउनुपर्ने सुझाव दिएका छन् ।