हेरौ त नेपाली नायिकाको बिल्ला , यस्तो गर्न नि मिल्ला ?

निर्देशकको ‘एक्सन’ र ‘कट’को ईशारामा अभिनय गर्नु भन्दा सार्वजनिक स्थलमा मिडियाको अघि बोल्न धेरै गाह्रो रहेछ भन्ने कुरा एकजना नव नायिकाले बल्ल थाहा पाईन् । राजधानीमा भएको एक चलचित्रको पत्रकार सम्मेलनमा नवनायिका सुष्मिता ढकालले यस्तै समस्या बेहोर्नुपर्यो ।
चलचित्र ‘माई भ्यालेनटाईन’को पत्रकार सम्मेलनमा ढिलो गरी आईपुगेकी ढकाललाई कार्यक्रममा बोल्न लगाउँछन् भन्ने थाहा थिएन होला । तर कार्यक्रमका प्रमुख अतिथि निर्माता संघका अध्यक्ष राजकुमार राईले नव नायिकाको आवाज पनि सुनौं भनेपछि सुष्मिता अप्ठ्यारोमा परेकी हुन् ।
ढिलो आएकी ढकाल अगाडि रहेका नायकनायिकासँगै हार मिलाएर बसेकी थिइन् । पत्रकार सम्मेलनमा एकजना नायकलाई मात्र बोलाउने कुरो थियो । सबैले बाबु बोगटीलाई देखाए । बाबुले बोलेपछि उद्घोषक नरेश भट्टराईले नायिका निशा अधिकारीलाई पनि बोल्नको लागि अगाडि उभ्याए । त्यसपछि अर्का नायक स्वतन्त्रप्रताप शाहले पनि बोले । सबैले बोलेपनि आफ्नो पाले नआउला भन्ने सुष्मितालाई थियो । तर प्रमुख अतिथि राईले नवनायिकाको पनि आवाज सुनौं न भनिहाले ।
त्यसपछि सुष्मितलाई अगाडि जान कर लाग्यो । बोल्नका लागि माईक अगाडि पुगेकी उनको मुखबाट शब्द नै निस्केन । हाल स्नातक तह प्रथम बर्षमा पढ्दै गरेकी सुष्मिताको मुखबाट शब्द ननिस्केपछि उनको अनुहार कालो निलो भयो । स्नातक तह प्रथम बर्षमा  पढ्ने यि नायिकाले न आफ्नो भूमिकाको बारेमा एक शब्द मुखबाट निकालिन्, न त सिनेमाको बारेमा नै ।
सुष्मिताको मुखबाट शब्द ननिस्केपछि कार्यक्रम संचालक नरेश भट्टराइले उनलाई सहज बनाउने प्रयास गरे । कस्तो भूमिका छ भन्ने नरेशको प्रश्नमा सुष्मिताले ठिकै छ भन्नु बाहेक अन्य केही बोल्न नै सकिनन् । करीब २ मिनेट जति माइकअघि उभिएपछि उनी केही नबोली फर्किन् । कार्यक्रममा उपस्थित अरु हेरेको हेर्यै भए ।
अनलाइनखबर