अब लोकदोहोरी पनि खेल्ने भए महानायक राजेश हमाल

चलचित्रमा व्यस्त हुँदा राम्रा गीतका भिडियोलाइ समेत लत्याएका महानायक राजेश हमाल अहिले यस्तै गीतका भिडियो खेल्नमा व्यस्त छन् । चलचित्र क्षेत्रमा नयाँ कथा र कलाकारको खोजी हुन थालेपछि हमालको माग शुन्य जस्तै बनेको धेरैको अड्कल छ । सामान्य भन्दा सामान्य सिनेमा खेलेर आफुलाइ फितलो बनाएपछि हमालको माग ह्वात्तै घटेको हो ।
सिनेमा हातमा नभएपछि सार्वजनिक कार्यक्रममा व्यस्त हुन थालेका हमालले अब लोकदोहोरी गीतको भिडियोमा पनि अभिनय गर्ने भएका छन् । शिव वि.क को निर्देशनमा बन्न लागेको एक दोहोरी गीतको भिडियोमा हमालले अभिनय गर्न लागेका हुन् । उनलाइ नायिका तथा मोडल रिमा विश्वकर्माले साथ दिनेछिन् । भिडियोको छायांकन आउँदो शुक्रबार हुने छ ।
राजेशले लोकदोहोरी गीतको समेत अनुभव समेट्न यो भिडियो खेल्न लागेका हुन् । उनको लोकदाहोरीमा यो नै पहिलो तथा अन्तिम भिडियो हुने बताइएको छ । वाघ वुढो हुदै गएपछि फट्याङ्ग्रोको शिकार गर्छ भनेजस्तै नायक राजेश हमाल पनि लोकदोहोरीको भिडियोमा समेत अभिनय गर्न राजी भएका छन् । चलचित्रको पर्दामा चर्चित बनेका सेलीब्रेटी भिडियोमा देखीदा उसको क्रेज घट्ने विश्लेषण गरिन्छ ।