एशियाका ५ सर्वश्रेष्ठ अभिनेतामा अनुपम खेर

एजेन्सी, कार्तिक १९ । बलिउड अभिनेता अनुपम खेरलाई एशियाकै ५ सर्वश्रेष्ठ अभिनेताको सुचीमा सुचिकृत गरिएको छ । अनुपमलाई एक अन्र्तराष्ट्रिय पत्रिका ‘हलिउड रिपोर्टर’ले एसियाकै ५ सर्वश्रेष्ठ अभिनेताको सुचीमा सामेल गरेको हो ।

अनुपमले शनिबार राति आफ्नो ट्वीटरमा उक्त पत्रिकाको नयाँ अंकमा आफूलाई एशियाकै ५ सर्वश्रेष्ठ अभिनेताको सुचीमा सामेल गरेकोमा खुशी व्यक्त गरेका छन् । ५७ वर्षीय उनले ट्वीटमा उक्त सुचीमा सामेल हुने आफू एकमात्रै भारतीय भएको पनि उल्लेख गरेका छन् ।

पत्रिकाको उक्त सुचीमा चीनका लिबिङ्बिग, दक्षिण कोरियाका बेयुङ्ग, थाईल्याण्डका इको उवेस तथा हङकङका आरोक क्वाँक रहेका छन् । अनुपम खेरले सन् १९८२ मा हिन्दीफिल्म ‘आगमन’बाट आफ्नो करियर सुरु गरेका थिए ।

अनुपमले सन् १९९८ मा आएको फिल्म ‘सारांश’बाट चर्चा बटुलेको भारतीय सञ्चारमाध्यमहरुले जनाएका छन ।