प्रेमी भेट्न सात समुन्द्र पारी आए, तर जेलको हावा खाए
७ वर्षअघि साइप्रेसमा भेटिएकी युवती बेलायतमा थिइन र उनलाई प्रेम प्रस्ताव गर्न टर्कीका रमजान नोयन कुलम बेलायत आएका हुन् ।
तर, आफूले चाहेको युवतीलाई भेटेर प्रेम प्रस्ताव गर्नु अघि नै प्रहरीले उनलाई गिरफ्तार गरेको छ । भिसा नभएकाले प्रहरीले उनलाई पक्राउ गरेको हो । एकतर्फी प्रेममा पागल झै भएका ३८ वर्षीय रमजानको भेट कर्टनी नामकी बेलायती युवतीसँग ७ वर्षअघि सन् २००५ मा साइप्रसमा भएको थियो ।
रमजान एक रेष्टुरेन्टमा वेटर थिए र उनले एक पटक कर्टनीलाई कफी दिएका थिए । त्यही समयदेखि रमजान उनको क्रेजी बनेका हुन् । उनले पटक पटक समस्यामा पनि पारे तर, कर्टनीले यसलाई कुनै ध्यान नै दिइनन् । बीबीसीको समाचारमा जनाइएअनुसार रमजानले रेष्टुरेन्टबाट कर्टनीका नम्बर लिएर समय समयमा फोन गर्थे ।
कर्टनीले उनलाई कहिल्यै चाहिनन् र केही समयपछि नै विवाहका लागि बेलायत फर्किए । उनले रमजानलाई फेसबुकमा समेत ब्लक गरेपछि उनी बेलायत हान्निएका थिए । तर, आफ्नो प्रेम दर्साउन नपाउँदै उनी प्रहरी हिरासतमा परेका छन् ।
Category: Wonder
.jpg)
