११ बर्षको जेल बसाइ पछी १.३१ लाख अमेरिकी डलर रेकर्ड क्षतिपूर्ति पाउने घोषणा

चीनमा एक व्यक्तिलाई धोकाधडीको आरोपमा जन्मकैदको सजाय सुनाइयो । ११ वर्ष जेलमा विताउँदा पनि उनीविरुद्ध पर्याप्त प्रमाण भेटिएन ।
अब अदालतले ८ लाख २५ हजार युआन अर्थात १.३१ लाख अमेरिकी डलर रेकर्ड क्षतिपूर्ति दिन आदेश दिएको छ । उनलाई प्रतिदिन १६२.६४ युआनका दरले क्षतिपूर्ति दिन भनिएको छ । सरकारी समाचार पत्र सदर्न मेट्रोपोलिस डेलीका अनुसार ग्याँडोङ्ग प्रान्तको सर्वोच्च अदालतले ३९ वर्षीय हुआन लीको क्षतिपूर्तिको रुपमा रेकर्ड रकम दिन आदेश दिएको हो ।
यसअघि यस्तो मुद्धामा अहिलेसम्म कसैलाई पनि यती ठूलो रकम क्षतिपूर्ति नदिइएको बीबीसीले जनाएको छ । अदालतका अनुसार जेलमा राखिएृको समयमा लीको स्वतन्त्रता त हनन भयो नै, उनलाई मानसिक र भावनात्मक तनावबाट समेत गुज्रनु पर्‍यो ।
ली सन् १९९९ मा पक्राउ परेका थिए र १ वर्षपछि जन्मकैदको सजाय सुनाइएको थियो । आरोप प्रमाणि नभएपछि उनलाई २०१० मा रिहा गरिएको थियो ।