आफ्नै थर बेच्न इन्टरनेटमा मोलमोलाई

पुराना र बहुमूल्य बस्तुहरु लिलामी भएको त तपाईहरुले सुनेको छौं । तर, कसैले आफ्नो थर लिलामी गरेको सुन्नु भएको छ ?
अमेरिकाका एक व्यवसायीले आफ्नो थर लिलामी गर्ने फैसला गरेका छन् । जसोन सेडलर नामका अमेरिकीले आफ्नो थर लिलामी गर्ने र त्यसको १० प्रतिशत रकम दान दिने घोषणा गरेका हुन् ।
उनले भनेका छन्-’मेरी आमाले छोडपत्र गर्दै हुनुहुन्छ । त्यसैले अब मलाई सेडलर थरको कुनै अर्थ राख्दैन । त्यसपछि मैले सोचेँ किन थर परिर्वतन नगर्ने ?’ अनलाइन मार्केटिङमा काम गर्ने उनले आफ्नो वेबसाइटमा थरका लागि टेण्डर आहृवान गरे, जुन बिहीबार बन्द भएको छ । अब टेण्डर जित्नेले सेडलरको थर पाउन ४५ हजार ५ सय डलर दिनु पर्नेछ ।
सन् २०१३ मा ३० वषर्ीय सेडलरले आफ्नो थर टेण्डर परेको व्यक्तिको इच्छा अनुसार आफ्नो थर र आफ्नो पहिचान कानुनी रुपमा परिर्वतन गर्नेछन् । फ्लोरिडाको स्टेट कोर्ट सिस्टमका अनुसार यो प्रक्रिया पूरा गर्न केही हप्ता लाग्न सक्नेछ । त्यस क्रममा जसोनको राज्य र केन्द्र स्तरमा क्रिमिनल रेकर्ड जाँचिन्छ भने औँलाहरुको निशाना पनि लिइन्छ र एक निश्चित दिनमा न्यायाधीशको सहमतिमा अन्तिम निर्णय लिइने छ ।
यद्यपि नयाँ थरमा आफू सन्तुष्ट नभएसम्म आफ्नो थर सेडलर परिर्वतन नगर्ने उनको सर्त रहेको छ ।

Category: Wonder