विश्व प्रख्यात गायक जस्टिनको हत्या गर्ने प्रयास

मंसिर २९ – विश्वप्रसिद्ध अमेरिकी गायक जस्टिन बिबरको हत्या प्रयास असफल भएको प्रहरीले बताएको छ ।

अमेरिकाको एक समूहले बिबरको अपहरण गरेर उनलाई अंगभंग बनाउँने योजना असफल भएको प्रहरीले बताएको हो । प्रहरीका अनुसार डाना मार्टिन नामक हत्याराले बिबरको अण्डकोष काट्नेलाई २५ सय डलर दिने बताउँदै उनको हत्या प्रयास गरिएको बताएको थियो ।
उक्त प्रयासलाई असफल पार्न सफल भएको प्रहरीले बताएको छ । बिबरको अण्डकोष काट्नका लागि एक समूह नै लागि परेको प्रहरी बताएको छ । प्रहरीले अदालतमा प्रस्तुत गरेको कागजमा भएको विवरणका आधारमा बिबरको हत्या प्रयासमा संलग्नलाई पक्राउ गरेको हो ।
बिभरलाई नोभेम्बर २८ र २९ तारिखमा न्युयोर्कको म्याडिसन स्क्वायर गार्डेनमा भएको कन्सर्टका क्रममा आक्रमण गरी अपहरण गर्न बनाएको योजना असफल पारेको प्रहरीले सार्वजनिक गरेको हो । षड्यन्त्रकारी मध्ये एकले जेल वार्डेनलाई सम्पूर्ण विवरण बताएपछि जस्टिन हत्या प्रयासबाट जोगिएका हुन् ।

Category: Gossip