आर्यन सिग्देलको ७ लाखको गफ तपाईंपनी सुन्नुहोस् !
दयाराम दाहालले निर्देशन गर्ने बताइएको सिनेमा ‘कसुर’ का लागी निर्माता भानु महर्जनले आर्यनलाई कति पारिश्रमीक दिए त ? उनी भन्छन्, ‘मैले उहाँलाई महानायक राजेश हमालले लिने गरेको रेट भन्दा केही माथि मात्र पारिश्रमीक रकम दिएको छु ।’ निर्माताहरुबाट प्राप्त जानकारी अनुसार महानायक हमालको अहिलेको बजारको रेट साढे २ देखी ३ लाख सम्मको हो । त्यसकारण आर्यनले सिनेमा ‘कसुर’ बाट साढे ३ देखि ४ लाख सम्म पारिश्रमीक रकम पाएको सहजै अनुमान गर्न सकिन्छ । तर यस विषयमा स्वयंम नायक सिग्देलसँग बुझ्दा उनले 'कसुर' मा लिएको रकम खुलाउन चाहेनन । पैसा सँग मतलव नरहेको बताउदै उनले भने, 'कसुर मा मैले २ लाख लिए पनि १७ लाख लिएपनि त्यो महत्वको विषय होइन ।'
तर यसअघि आर्यनले ‘कसुर’ बाट ७ लाख रुपैयाँ नलिए पनि किन उनले मिडियामा उक्त रकम लिएको भने त ? एक जना निर्माता भन्छन्, ‘यी सबै हल्लाहरु नयाँ निर्मातालाई फसाउने खेल बाहेक अरु केही होइन ।’ यसअघि पनि आर्यनले एउटा सिनेमाबाट ८ लाख पारिश्रमीक लिएको बताउदै आए पनि उक्त कुरा हल्ला मात्र भएको सुन्नमा आएको छ ।
Category: Gossip