धादिङको ज्याम्रुङमा भएको बस दुर्घटनामा मृत्यु हुनेको संख्या ५ पुग्यो
Admin |
02:42 |
केशव अधिकारी/धादिङ संवाददाता
धादिङ, ८ माघ
धादिङको आरुघाटबाट धादिङबेशीतर्फ आउँदै गरेको बस दुर्घटना हुँदा मृत्यु हुनेको संख्या ५ पुगेको छ । काठमाण्डौंका लागि छुटेको ना २ ख ४९८५ नम्बरको बस आज पूर्वान्ह ९ बजे ज्यामरुङ ५ को कमेरे नजिक कच्ची सडकबाट करिब ५० मिटर तल खस्दा २ जनाको घटनास्थलमै ज्यान गएको हो भने जिल्ला अस्पताल धादिङबेसीमा उपचारको क्रममा २ र थप उपचारको लागि काठमाण्डौ लैजाँदै गर्दा थप एक जनाको बाटैमा मृत्यू भएको हो ।
मृत्यू हुनेमा सल्यानटार धादिङका ८ वर्षीय बालक रुपेश श्रेष्ठ, बुढाथुृम गलनेका २२ वर्षीय लक्ष्मण दाहाल, गोरखा गुम्दाका कान्छी गुरुङ, सोहि ठाउँकै २८ वर्षीया मनिका गुरुङ र गोरखा थुमीका मिठ्ठे बराम रहेका छन् । दुर्घटनामा ४५ जना भन्दा बढी घाइते भएका छन् । घाईतेमध्ये १८ जनाको अवस्था गम्भीर रहेको प्रहरीले जनाएको छ । १२ जना गम्भीर घाइतेहरुलाई थप उपचारको लागि काठमाडौं लगिएको छ । बाँकी घाईतेहरुको जिल्ला अस्पताल धादिङबेसीमा उपचार भइरहेको छ ।
५० भन्दा बढि यात्रु बोकी काठमाडौंका लागि छुटेको उक्त बस क्षमता भन्दा बढी यात्रु बोकेका कारण र कच्ची सडक भएकाले दुर्घटनाग्रस्त भएको अनुमान प्रहरीले गरेको छ । सदरमुकाम धादिङबेसीबाट १ घण्टामा पुग्न सकिने उक्त स्थानमा भएको दुर्घटनाको उद्धारको लागि सदरमुकाम धादिङबेसीबाट ३ वटा एम्बुलेन्स, २ वटा निजी गाडी र प्रहरीहरु घटनास्थल पुगेका थिए ।
धादिङ सदरमुकाम धादिङवेशीदेखि आरुघाट, बुढाथुम, खहरे लगायतका स्थानमा दैनिक १० बढि बस छुट्ने गरिएपनि अत्यन्तै जीर्ण अवस्थाको सडक मर्मततर्फ भने धादिङ सडक डिभिजन कार्यालयको ध्यान पुग्न सकेको छैन ।
धादिङ, ८ माघ
धादिङको आरुघाटबाट धादिङबेशीतर्फ आउँदै गरेको बस दुर्घटना हुँदा मृत्यु हुनेको संख्या ५ पुगेको छ । काठमाण्डौंका लागि छुटेको ना २ ख ४९८५ नम्बरको बस आज पूर्वान्ह ९ बजे ज्यामरुङ ५ को कमेरे नजिक कच्ची सडकबाट करिब ५० मिटर तल खस्दा २ जनाको घटनास्थलमै ज्यान गएको हो भने जिल्ला अस्पताल धादिङबेसीमा उपचारको क्रममा २ र थप उपचारको लागि काठमाण्डौ लैजाँदै गर्दा थप एक जनाको बाटैमा मृत्यू भएको हो ।
मृत्यू हुनेमा सल्यानटार धादिङका ८ वर्षीय बालक रुपेश श्रेष्ठ, बुढाथुृम गलनेका २२ वर्षीय लक्ष्मण दाहाल, गोरखा गुम्दाका कान्छी गुरुङ, सोहि ठाउँकै २८ वर्षीया मनिका गुरुङ र गोरखा थुमीका मिठ्ठे बराम रहेका छन् । दुर्घटनामा ४५ जना भन्दा बढी घाइते भएका छन् । घाईतेमध्ये १८ जनाको अवस्था गम्भीर रहेको प्रहरीले जनाएको छ । १२ जना गम्भीर घाइतेहरुलाई थप उपचारको लागि काठमाडौं लगिएको छ । बाँकी घाईतेहरुको जिल्ला अस्पताल धादिङबेसीमा उपचार भइरहेको छ ।
५० भन्दा बढि यात्रु बोकी काठमाडौंका लागि छुटेको उक्त बस क्षमता भन्दा बढी यात्रु बोकेका कारण र कच्ची सडक भएकाले दुर्घटनाग्रस्त भएको अनुमान प्रहरीले गरेको छ । सदरमुकाम धादिङबेसीबाट १ घण्टामा पुग्न सकिने उक्त स्थानमा भएको दुर्घटनाको उद्धारको लागि सदरमुकाम धादिङबेसीबाट ३ वटा एम्बुलेन्स, २ वटा निजी गाडी र प्रहरीहरु घटनास्थल पुगेका थिए ।
धादिङ सदरमुकाम धादिङवेशीदेखि आरुघाट, बुढाथुम, खहरे लगायतका स्थानमा दैनिक १० बढि बस छुट्ने गरिएपनि अत्यन्तै जीर्ण अवस्थाको सडक मर्मततर्फ भने धादिङ सडक डिभिजन कार्यालयको ध्यान पुग्न सकेको छैन ।
Category: दुखद समाचार
