कुखुराको मासु मूल्य २ सय ७० रुपैयाँ
काठमाडौ, माघ ७ - कुखुराको मासुको मूल्य शनिबार एक महिनामा चौथो पटक बढेको छ । उपभोक्ताले आइतबार प्रतिकिलो कुखुराको मासुलाई प्रतिकिलो २ सय ७० रुपैयाँ तिर्नुपर्ने छ । यसअघि प्रतिकिलो मासुको मूल्य २ सय ५५ रुपैयाँ थियो । उपत्याकासहित पोखराका कुखुरा र्फमहरूमा बर्डफ्लुको संक्रमण देखिइरहेका बेला मासुको मूल्य महिनामै हरेक पटक १५ रुपैयाँका दरले ६० रुपैयाँ बढेको हो । एक महिनामै कुखुराको मासुको मूल्य यति धेरै पटक बढेको पहिलो हो । राष्ट्रिय खुखुरा बिक्री व्यवसायी संघको बुधबार बसेको बैठकले खुकुरा मासुको उपभोक्ता मूल्य बढाउने निर्णय गरेको अध्यक्ष जंगबहादुर बिसीले दिए । संघको निर्णयपछि किसानले जिउदो कुखुराको प्रतिकिलो १० रुपैयाँ थप पाउने छन् । यसअघि उनीहरूले १ सय ८० रुपैयाँ पाउँदै आएका थिए । संघले हरेक पटक मासुको मूल्य किलोको १५ रुपैयाँले बढाउँदा किसानलाई जिउँदो कुखुरामा १० रुपैयाँ बढाउने निर्णय गरेको थियो । अब जिउँदो कुखुराको थोक मूल्य १ सय ९० रुपैयाँ पुगेको छ । उपभोक्ताले भने २ सय रुपैयाँ तिर्नुपर्ने छ । 'बजारमा कुखुराको आपूर्ति स्वात्तै घटेकाले मासुको मूल्य बढाउने निर्णय गरेका हौं,' संघका अध्यक्ष बिसीले भने । आबद्ध काठमाडौं, भक्तपुर, ललितपुर र काभ्रेका मासु व्यवसायीका कोल्डस्टोरले लागू गर्ने संघका सचिव देवकुमार गिरीले बताए । बजारमा बर्डफ्लुको हल्लाले किसानले चल्ला राखेनन्, उनले भने त्यसको असर अहिले देखिएको छ ।'
राजधानीमा देखिएको बर्डप्mलु नुवाकोट हुँदै पोखरामा पनि देखिएको छ । यसले गर्दा किसान त्रासमा परेका छन् । 'उपत्यकामा मात्र होइन नेपालभरि कुखुरा पालन घटेको पाइयो,' संघ अध्यक्ष बिसील भने, 'यसले गर्दा मासु व्यवसायीको पेसामै असर पर्ने देखिएको छ । दसैंताका काठमाडौं र भक्तपुरमा देखिएको बर्डफ्लुले त्रसित भएका किसानले र्फममा चल्ला नहालेको उनले बताए । यसको तीन महिनापछि त्यसको असर देखिएको छ । उनले मासुको खपत भने नबढेको बताए । 'मासुको खपत बढेकाले त्यसको असर मूल्यमा परेको हैन,' उनले भने, 'किसानका खोरमा कुखुरै छैनन् ।' संघका अनुसार उपत्यकामा दैनिक २ लाखदेखि २ लाख ५० हजार किलो कुखुराको मासु खपत हुन्छ । संघले किसानलाई कुखुरा पाल्न उत्साहित गर्न मूल्य बढाएको दाबी गरेको छ । 'मूल्य बढाएपछि किसानले कुखुरा पाल्न थाल्ने आशा छ,' अध्यक्ष बिसीले भने, नत्र हाम्रो व्यवसाय संकटमा पर्छ ।' उपत्यकामा कुखुराको मासुका २ सय थोक विक्रेता छन् । हरेक विक्रेतासँग २० जना खुद्रा विक्रेता आसि्रत रहेको अध्यक्ष बिसीले बताए । कुखुराको मूल्य वृद्धिले किसानलाई केही राहत दिएको राष्ट्रिय कुखुरा पालक किसान संघका अध्यक्ष हेमचन्द्र शाहले बताए । 'एक महिनामै चौथो पटकको मूल्य वृद्धिले किसानको लागत उठ्ने अवस्था सिर्जना भएको छ,' उनले भने, 'किसानको र्फममा कुखुरा नभएकाले अझै मूल्य बढ्ने आशा छ ।' उनले चल्ला मर्ने, बर्डफ््लुलगायतका अनेक समस्या देखिएकाले कुखुरापालन जोखिम पूर्ण हुँदै गएको बताए । किसान ६० प्रतिशतभन्दा बढी कुखुरापालक ब्यवसायबाट पलायन भएको उनको दाबी थियो ।
Category: Enews
