ए डिभिजन लिग : आर्मीद्वारा सरस्वती पराजित
काठमाडौं, माघ ८ - सहिद स्मार ए डिभिजन लिग फुटबल अन्तर्गत सोमवार भएको पहिलो खेलमा नेपाल आर्मी क्लव विजयी भएको छ ।
दशरथ रंगशालामा आर्मीले सरस्वती युथ क्लवलाई १–० ले हराएको हो । आर्मीको जितमा राजु तामाङ्गले गोल गरे ।
नतिजापछि १५ खेलबाट २८ अंक बनाएको छ र आर्मीले यसअघि नै सुपर एटमा स्थान सुरक्षित गरिसकेको थियो । हारपछि पनि सरस्वती क्लवको सुपर एटमा पुग्ने संभावना कायम नै छ । जाउलाखेल र नेपाल पुलिस क्लवबीचको खेलमा पुलिस बराबरीमा रोकिए वा हारेमा सरस्वती सुपर एटमा पुग्ने छ ।
चौधौं चरणको खेल सकिदा थ्रीस्टार क्लब ३२ अंकका साथ अंक तालिकाको शीर्ष स्थानमा छ ।
Category: Sport
