बिन्दूको हत्यामा बाआमा र काकाको संलग्नता
बारा, माघ ७ - बारा प्रष्टोकाकी बिन्दू ठाकुरको उनकै बाबुआमाले हत्या गरेको पुष्टी भएको छ ।
बिन्दूका बुबा रामा ठाकुर, आमा गीता देवी र काका राम एकवाल ठाकुर हत्यामा संलग्न रहेको ठहर गरेको जिल्ला प्रहरी कार्यालय बाराका प्रहरी निरीक्षक रामनाथ घिमिरेले बताउनुभयो ।
प्रहरीले हत्यामा संलग्न तीनै जनालाई सर्वश्व सहित जन्मकैदको माग गर्दै जिल्ला सरकारी वकिलको कार्यालयमा अनुसन्धान प्रतिवेदन बुझाएको छ ।
युवकसंग प्रेम गरेकै कारण विन्दुको हत्या भएको प्रहरीको १० पुष्ठ लामो प्रतिवेदनमा उल्लेख छ । प्रेमका कारण सामाजिक प्रतिष्ठामा आँच आउने ठानेर उनकै बाबुआमा र काकाले विन्दुको हत्या गरेको प्रहरीको ठहर छ ।
गएको पुष ११ गते घर नजिकै बिन्दुको शव फेला परेको थियो ।
Category: Bad News
