जिविस र गाविसको आयश्रोत पनि खोजिने
काठमाडौ, माघ ८ – स्थानीय निकायका काम प्रभावकारी पार्ने अभियान थालेको संघीय मामिला तथा स्थानीय विकास मन्त्रालयले स्थानीय आयस्रोतको पनि खोजी गर्ने भएको छ ।
मन्त्रालयमा मंगलबार बस्ने समीक्षा बैठकमा आर्थिक अनियमितता, स्थानीय आयस्रोत र अनियमितता गर्नेलाई कारबाहीबारे छलफल गर्ने तयारी छ ।
बिभिन्न जिल्लामा भएको अनुगमनका क्रममा सरकारले उपलब्ध गराउँदै आएको सामाजिक सुरक्षा र वाल संरक्षण भत्ता वितरणमा अनियमितता भेटिएपछि अरु आम्दानीका बारेमा पनि जानकारी लिन लागिएको हो । पछिल्लोपटक बारा र पर्सा जिल्लाका दुईजना गाउँ विकास समितिका सचिवले सामाजिक सुरक्षा र बालसंरक्षण भत्ता आफैले लिएको भेटिएको थियो ।
विभिन्न जिल्लाबाट अनुगमन गरेर फर्किने सबै टोली आइनपुगेकाले आइतबार बस्ने भनिएको बैठक मंगलबारका लागि सारिएको मन्त्रालयका सहप्रवक्ता प्रेमकुमार श्रेष्ठले जानकारी दिनुभयो ।
Category: Enews
