नेकपा-माओवादी केन्द्रीय समितिमा महाधिवेशनको समिक्षा

७ माघ, काठमाण्डौं । महाधिवेशनले तय गरेका कार्यक्रम र नीति कार्यान्वयनको विषयमा छलफल गर्न नेकपा-माओवादीको केन्द्रीय समितिको बैठक आज बस्दैछ । विहान ११ बजेपछि पार्टी केन्द्रीय कार्यालय बुद्धनगरमा बस्ने महाधिवेशनपछिको पहिलो बैठकमा महाधिवेशनको समिक्षा सहितका नीतिगत विषय कार्यान्वयन लगायतका विषयमा छलफल हुने पोलिटब्युरो सदस्य नारायण शर्माले जानकारी दिनुभयो ।

बैठकमा नेताहरुको कार्यविभाजन र बाँकी रहेका ८ सदस्य मनोनयनका विषयमा पनि छलफल हुने शर्माले जानकारी दिनुभयो । बैठकले सरकार विरुद्ध गर्ने संघर्षका कार्यक्रमका बारेमा पनि छलफल गर्ने माओवादीले जनाएको छ ।