मनिषाका कोइरालाका भाई सिद्धार्थ अव नेपाली चलचित्रमा

नायिका मनीषा कोइरालाका भाई सिद्धार्थ कोइराला नेपाली चलचित्रमा अभिनय गर्ने भएका छन् । सिद्धार्थले पहिलो पटक आफ्नै देशको एउटा चलचित्रमा नायकका रुपमा अभिनय गर्न लागेका हुन् । उनले बलिउडमा अभिनय गर्न थालेको भने १४ बर्ष पुरा भएको छ । ५ फिट साढे ९ इन्च अग्ला सिद्धार्थ आगमी तिहारपछि छायांकन प्रारम्भ हुने चलचित्र ‘मेघा’ मा मुख्य नायकको भूमिका निर्वाह गर्दैछन् । सम्झना उप्रेती रौनियारको निर्देशन रहने प्रेम कथामा आधारित उक्त चलचित्रमा सिद्ध एक विजनेस म्यानका रुपमा प्रस्तुत हुनेछन् ।
आज प्रकाशित कान्तिपुर साप्तहिकका अनुसार बलिउडमा जम्न नसकेपछि उनी नेपाली चलचित्र प्रति आकषिर्त भएका हुन् । उनले नेपाली कला, सस्कृतिका बारेमा नेपालीहरुलाई जानकारी गराउन सुशिला आर्ट एकेडेमी स्थापना गरेर काम गरिरहेका छन् । सिद्धार्थ करिब एक बर्षदेखि मुम्वईलाई छाडेर नेपालमै बस्दै आएका छन् ।