प्रधानमन्त्रीलाई दैलेख प्रवेश गर्न नदिने विपक्षीको भनाई
दैलेख, माघ ९ - प्रधानमत्री डा. वावुराम भट्टराईलाई दैलेखमा प्रवेश निषेध गर्ने विपक्षी दलले सोमवार दिउँसो २ वजेदेखि मंगलवार बेलुकीसम्मका लागि दैलेख वन्दको आह्वान गरेका छन् ।
पत्रकार डेकेन्द्रराज थापाको हत्यामा संलग्न व्यक्तिलाई कारवाही नगर्न प्रधानमन्त्रीले निर्देशन दिएकाले उहाँलाई दैलेख आउन नदिने विपक्षी दलहरुले बताएका छन् । दैलेखममा पत्रकार सम्मेलन गरी विपक्षी दलहरुले यातायात, उद्योग, कलकारखना र वजार वन्दको आह्वान गरेका छन् ।
एकीकृत नेकपा माओवादीको प्रथम जिल्ला सम्मेलन उदघाटन कार्यक्रममा लागि प्रधानमन्त्रीसहित माओवादी पुष्पकमल दाहाल प्रचण्ड र उपप्रधानमन्त्री तथा उपाध्यक्ष नारायणकाजी श्रेष्ठ लगायतका नेता वुधवार दैलेख आउने एकीकृत नेकपा माओवादील जनाएको छ ।
तर विपक्षी दलले एकीकृत नेकपा माओवादी र पार्टीको जिल्ला सम्मेलनको विरोध नभै प्रधानमन्त्री र सरकारको मात्र विरोध गरेको राजमोका जिल्ला अध्यक्ष मायाराम अधिकारीले जानकारी दिनुभयो ।
पत्रकार सम्मेलनमा नेपाली कांगे्रस जिल्ला सभापती कृष्ण विसीले भट्टराईलाई कुनै पनि हालतमा दैलेख छिर्न नदिने बताउनुभयो ।
Category: समाचार
